Popular Bible Verses from O ULANGAN 11

Share

Niä dotoko nia ngoha-ngohakika. Nihi ade-ade o tau magoronaka, deʼ o tau maporetoka, maöraha nikarajanga deʼ maöraha nimahi batonguku.

Niohohininga deʼ nia tailako nihidodiai o pareta-pareta gënanga. Nia giamika nihi dapakitika deʼ nia bionoko nihi dapakitoko mangale niohohininga.

Hoʼ nihingounu o pareta-pareta ngohi tohi ädo-ädono ngini ika o wange nënanga; niwï hininga ma Jou nia Jou Madutu deʼ ni puji Unangika deʼ ingodumu nia jiwa deʼ nia röehe. Nako ngini nidiai hoko gënanga, done ma Jou aha wohiguti güti o awana nia tonakuku ma orahoka, ipahaino ngini niutuku, deʼ maöraha ngini nimulaenge nidatomo. Done ngini aha iwöe nia gandum, o angguru deʼ o zaitun maminya

”Ni wï dora ma Jou nia Jou Madutu, deʼ nihingounu salalu hagala Ai pareta.

O wange nënanga ngini yakunu nimä ngiriki o barakati ekola o lolai. Ngini aha winihi barakati nako nihi ngounu ma Jou nia Jou Madutu Ai pareta-paretaika, o wange nënanga ngohi tohiädono nginika. Mä ngini aha wini lolai nako ngini nihi ngounua ma Jou nia Jou Madutu Ai pareta-paretaika, mä nima idulu mangale nia huba hagala o gikiri mahomoa komaiwahi ngini nia huba.

Nia tulihika nia tau mangorana maliateika deʼ nia ngorana ma amo-amokika. Done ngini deʼ nia ngoha-ngohaka aha nia umuru ikurutu o bereraka ma Jou nia Jou Madutu wahi jajajioka nia ete deʼ nia tohoraika. Hokä madekana naga o dihanga o dunia mal̄okuoka, hoko genangoli madekana ngini aha nigogere o tonakoka gënanga.

Uha ngini nimau nikurutika deʼ ma Jou mangale nihuba deʼ nima higilaongo o gikiri mahomoaika.