Popular Bible Verses from O DANIEL 3

Share

O Sadrakh, o Mesakh deʼ o Abednego yohaluhu, ”Jou koano nomomulia ngomi ahami oluku mihitaili miodemo mio riwo mia diri. Nako Ma Jou Madutu miwihöhuba-huba wäkunu womi hihalamati ngomi o kalero i toka-tokarino gënanga deʼ anikuaha ino ahi Tuanga, maraioka Unanga aha Wadiai. Mä o hohiade Unanga kowadiaiuaö, kokiani ahi Tuanga nohioriki ngomi aha komia pujiua ahi Tuanga anigikiri deʼ komia hubauäli o dulada o gurasi ahi Tuanga nohi goko-gokoil̄e gënanga.”

Wohaluhu ma koano, ”Mä yadodoaho tämake o nyawa yaruata yotagi-tagi o uku gënanga mahigoronaka? Onanga koyä likoikaua deʼ hakali-kali koyädodoaua. Deʼ o nyawa maiatoka gënanga airupa hokä o gikiri.”

Daha ma koano wotemo, ”Niwihigiriri Ma Jou Madutu iwihöhuba-huba o Sadrakh, o Mesakh deʼ o Abednego. Unanga wa hulokoka Ai malaekat la yahihalamati Aigilaongo yaruange iwingöngaku-ngaku Unangika. Onanga yatilakuroka ahiperintahku deʼ i holoi yöigo yohonenge nako yahuba ekola yapuji o gikiri okia sawaliua toönanga manga Jou Madutu mahirete.

Hababu gënanga ngohi tohipareta moi-moi o hoana deo berera manyawa ekola o hoana deʼ o bahasa okiadika, ihidemo o hikauku ma Jou Madutuika iwihöhuba-huba o Sadrakh, o Mesakh deʼ o Abednego, aha yatëtetoruku deʼ manga tau aha yakilianga deʼ yadiai kaitotoporono iwede-wederuku. Hababu koiwa naga o gikiri yakunu yadiai okianaga wadodiaioka Ma Jou Madutu gënanga.”