Popular Bible Verses from O TESALONIKA MADODIHIRAKA 5

Share

Kokiani ngini salalu nimörene, deʼ nimä niata kahoko genangika. Hagala okianaga idädadi magoronaka kokiani ngini nisukur, hababu gënanga doka ma Jou Madutu wö igo-igo nginino hokä o nyawa yowango yorimoi de o Kristus Yesus.

Tanu ma Jou Madutu mahirete wonahi döa-döaka o lolä, winihi dadi ngini o nyawa yagou-goungu niwango nihi tingaka mangale ma Jou Madutu. Tanu ma Jou Madutu wögöana nia diri ingodumu, kayaoa nia womaha, nia jiwa kayaoa nia röehe, hi ädono koiwa naga itotomua maorahoka nanga Jou Yesus Kristus woböali. Ma Jou Madutu winï ahokoka ngini la nia diai o hali gënanga hababu Unanga wosetia.

Nio göana hupaya uha naga yabalahi o dorou de o dorou. Nihi dailako salalu mangale o oa nidiai, o nyawa moi de moiika deʼ o nyawa mata-mataika.

Hababu gënanga, kokiani ngini itatapu nimahiki liara deʼ nima hikukuata, imatero hokä ngini nia gogiria nia diai o öraha nënanga.

Roriadodoto, ngomi migahokoli, nia hidaaere nihididiai o nyawa yo olu-oluku yomanarama; nihi bitumu manga hininga o nyawa yohö hawa-hawana; nia riwo o nyawa ipöparalu nia riwo, deʼ nia hisabari o nyawaika mata-mata.

Ma Jou Madutu wonä iriki ngone koigoungua la inä hukumu, mä mangale ina hihalamati de madodagi tongone nanga Jou Yesus Kristus.

Riadodoto mata-mata ganga o nyawa niwö wango-wango o dararono magoronaka; ngini niwohama o ginitara madodararonika. Ngone koigoungua o nyawa yowö wango-wango o huhutu magoronaka ekola howohama o hutu maho huhutuika.