Popular Bible Verses from O PETRUS MADODIHIRAKA 4

Share

Iholoi de hagala mata-mata, kokiani ngini igou-goungu nimä kodora moi de moi, hababu de nimä kodora ngini aha nio modekoli nima hika apongo.

Ngini moi-moi nia tarimaka o ngongike-ngongike ima kokohowono ma Jou Madutuino. Hababu gënanga hokä ihidödailako maoa ma Jou Madutu ai ngongike-ngongikeino, kokiani ngini nia päke o dagakunu gënanga mangale nia paralu kamamoi nima mata-mata.

O nyawa ihi ado-adono o abari kokiani ihi ädono o abari ma Jou Madutuino; o nyawa yälöleleani o nyawa mahomoa, kokiani yoleleani de o kuata ma Jou Madutuino, hupaya hagala o hali magoronaka, ma Jou Madutu yakunu iwi himulia de madodagi o Yesus Kristus. Unanga dika wokokuaha deʼ ipatutu iwi himulia kahi ado-adonika. Amin.

Mä nako ngini ini hihuha de nihangihara hababu ngini o Haranioka manyawa, uha ini mal̄eke karana o hali gënanga. Nitarima kasi ma Jou Madutuika ngini niao o Kristus ai romanga.

Hagala moi-moi i tigioka mabobahaika, hababu gënanga kokiani ngini nia diri nia kuaha deʼ nihi dodiai nimä göana, hupaya ngini yakunu nimä niata.

O Roriadodoto tinï hohininga! Oraha nënanga ngini duru konia hangihara karana inï uji magogiria. Mä uha nia mäo nihëranga, hokä naga okia naga moi kabiahaua idadi nginika. Kaidogo, kokiani ngini nia mäo nisanangi karana nia tagongo o huha de o hangihara kamamoi nima komoteke de o Kristus. Hodamä nako o Kristus ai mulia ihi matoko, ngini aha nimörene.

Kokiani ngini nimateke tarima moi de moi nia tauoka moi-moi, de nitaianua.

Hababu gënanga, nako naga o nyawa yohuha de yohangihara karana ma Jou Madutu womau hoko gënanga, kokiani o nyawa geönanga yowango de madiai deʼ manga diri ihi döaka wahi Dädadika. Unanga aha hoko genangika waganapu Ai jaji.

Karana o Kristus watagongoka o huha de o hangihara cara o röehe, nginiö, kokiani nia diri nia kuata de o jako hokä hoko gënanga. Hababu o nyawa yatago-tagongo o huha de o hangihara cara o röehe, yodiaiokaua o baradoha. Hababu gënanga, kokiani ngini niwango nënanga de hikaika o duniaka nënanga, imoteke ma Jou Madutu ai mau, deʼ koimotekua o nyawa manahihu.

Ngini niutumu nako ngini inï hikauku hababu ngini o Kristus niwinö ninïki. Gënanga mamangarati o Womaha imomulia, enagënanga ma Jou Madutu ai Womaha naga nginioka.