Popular Bible Verses from O KORINTUS MADODIHIRAKA 12

Share

Mangale nangaoa ngone mata-mata, ma Jou Madutu ai Womaha imanarama o nyawa amo moi ika de madatoro haramoi-haramoi.

Riadodoto mata-mata kamamoi ganga o Kristus airöehe deʼ nginiö moi-moi ganga o röehino mahidoku.

Nako o röehe o hidoku moi ihangihara, mata-mata o röehe mahidoku mahomoa ihangihara dika; nako o röehe o hidoku moi ihigiriri, mata-mata o röehe mahidoku mahomoa imaki nïki imörene.

O nyawa moiika, o Womaha gënanga yahidöaka yakunu mangale yotemo-temo de makuaha. Mahomoaika o Womaha kaimadäene gënanga yahidöaka yakunu ihitararono mangale ihingahu mangale ma Jou Madutu. O Womaha kamoi gënanga dika yahidöaka o nyawa moiika yakunu kabiahaua mangale iwingaku o Kristusika; de mahomoaika o Womaha gënanga yahidöaka o kuaha mangale yahitogumu o nyawa. O nyawa womatëngoika iwihidöaka o kuaha mangale wodiai i hëra-hëranga deʼ mahomoaika yahidöaka o ngongike mangale ihingahu ma Jou Madutu aidatoro-aidatoro. Mahomoaikaoli o Womaha gënanga yahidöaka yakunu mangale yatingaka deʼ yafara kiaka o ngongike ma Jou Madutu ai Womahino deʼ kiaka o Womahinoua. Naga yahidöaka yakunu mangale yotemo-temo irupa-rupa o demo ihëra-hëranga, deʼ nagali yahidöaka yakunu mangale ihi tararono o demo mamangarati gënanga.

Mata-mata gënanga yamanarama o Womaha kamoi dika gënanga; moi-moi o nyawa yahi döaka o ngongike itingaka imoteke o Womaha mahirete mamau gënanga.

De hoko gënanga o röehe gënanga iregu-regua; moi-moi o röehe mahidoku imateke hininga moi de moi.

Naga irupa-rupa o ngongike ma Jou Madutu ai Womahino, mä mata-mata inihidöaka o Womaha kamoi. Naga i rupa-rupa o manarama mangale iwileleani ma Jou, mä o Jou i wilö leleani gënanga, o Jou kawomatëngo dika! Naga i rupa-rupa madatoro yomanarama ma Jou ai manarama, mä wohi döaka o buturungu mangale gënanga o nyawa moika ganga ma Jou Madutu womatëngo dika.

Hoko genangoli o jemaat magoronaka, ma Jou Madutu wohigogeroka o ngï mangale irupa-rupa o nyawa: Madodihiraka o rasul-rasul; mahinoto, o nabi-nabi, mahange o guru-guru, daha önanga yododiai ihëra-hëranga, aha ino önanga yahidöaka o ngongike mangale yahitogumu o nyawa, ekola mangale yariwo o nyawa mahomoa, ekola mangale yotuda-tuda, ekola mangale yotemo-temo de rupa-rupa o demo iho hëra-hëranga.

Hababu o röehe gënanga mahirete imaokoua o hidoku moioka dika mä iwöe o hidoku-hidoku.

Haiduluhaino nanga röehe mahidoku-hidoku hapulono ibole gënanga, ngone duru hoparalu

Hohiade o röehe ingodumu gënanga idadi o lako dika, sarakia o röehe gënanga yakunu imahihene? Ekola nako o röehe i ngodumu gënanga idadi o ngauku dika, sarakia o röehe gënanga i ame? Ngone hamäke ma Jou Madutu wohigogere o hidoku-hidoku nanga röehika gënanga. Moi-moi ma Jou Madutu wohigogere mangïoka imoteke Ai mau. Nako mata-mata duga-duga o röehe mahidoku moi dika, kiaka yahetongo o röehe?