Popular Bible Verses from ROMA 4

Share

Ie tetep percaye dait ndéq ragu-ragu tipaq janji Allah, malahan imanne jariang ie sayan kuat -- sehingge ie mulieang Allah. Ie yakin gati bahwe Allah pasti bau ngelaksaneang napi saq sampun Ie janjiqang nike.

Séngaq maraq niki Allah bemanik tipaq Ibrahim, “Tiang sampun jariang side umaq selapuq bangse.” Ibrahim nike bapaqte léq arepan Allah. Dait Ibrahim percaye tipaq Allah. Ie Allah saq ngidupang dengan ninggal, Ie éndah Allah saq cipteang siq manik-Ne napi saq ndéq araq jari araq.

Deside Isa niki sampun teserahang jari tematéq lantaran dose-dosente; terus Ie teidupang malik siq Allah adéq ite bau tejariang kenaq léq arepan-Ne sehingge hubungante kance Allah jari solah malik.

Timaq sampun ndéq araq harepan malik, laguq Ibrahim tetep doang beharep dait percaye. Keranaq nike ie jari bapaq luwéq bangse. Pade maraq saq tetulis dalem Kitab Suci, “Keturunan side gen jari luwéq gati.”

Keranaq nike, janji Allah jari dasar dengan beriman tipaq Allah. Hal nike jari jaminan umaq selapuq keturunan Ibrahim. Janji nike teicanin tipaq ie pade langan rahmat léman Allah, ndéq cume jari dengan saq taat tipaq Hukum Taurat doang, laguq umaq ie pade saq beriman tipaq Allah, pade maraq Ibrahim nike sebagé bapaqte selapuq.

“Bahagie dengan saq kesalaqanne teampunin dait dose-dosene sampun teapus siq Allah! Bahagie dengan saq dose-dosene ndéq tetuntut siq Allah!”

Léq Kitab Suci araq tetulis, “Ibrahim percaye tipaq Allah, dait lantaran percayene nike ie teterimaq siq Allah sebagé dengan saq tejariang kenaq léq arepan Allah.”