Popular Bible Verses from MARKUS 13

Share

Side pade gen temeriq siq selapuq dengan lantaran side pade jari pengiring Tiang. Laguq dengan saq setie jangke penutuqne, gen teselametang.”

Jari, side pade harus bejage-jage dait waspade, séngaq side pade ndéq nenaoq piran waktune.

Dait lamun side pade tebau dait tejauq ojok pengadilan, ndaq kuatir mengenai napi saq harus side pade sampéang. Lamun sampun waktune ngeraos, sampéang doang napi saq tebadaq tipaq side pade léq waktu nike. Séngaq ucapan-ucapan saq side pade sampéang nike ndéqne ucapan-ucapande mésaq, laguq asalne léman Roh Suci.

Langit dait gumi gen musnah laguq manik Tiang gen kekel selaéq-laéqne.”

“Timaqne maraq nike ndéq araq sopoq dengan juaq saq nenaoq piran jelo atao piran jamne. Malaékat-malaékat léq sorge nénten wikan dait Bije éndah nénten wikan, cume Bapa doang saq wikan.

Lamun side pade dengah suare-suare perang dait berite-berite mengenai perang, ndaq takut. Hal-hal nike harus telaksane, laguq nike ndéq berarti bahwe sampun wayene kiamat.

Keranaq nike side pade harus bejage-jage, séngaq side pade ndéq nenaoq piran waktune épén balé nike gen tulak -- sang kebian atao sang tengaq kelem, sang subuh atao kelémaq. Lamun ie selung-selung dateng, ndaq jangke ie ndait side pade kenyeke tindoq. Napi saq Tiang sampéang léq side niki, Tiang sampéang éndah léq selapuq dengan: Pade bejage-jage!”

Bangse saq sopoq gen perang ngelawan bangse saq lain, dait negare saq sopoq gen nyerang negare saq lain. Léq mbé-mbé gen araq lindur dait kelapahan. Laguq selapuqne nike baruq awalne doang, maraq sakit saq tealamin dengan nine saq gen nganak.

Laguq Kabar Solah léman Allah harus tekabarang juluq tipaq selapuq bangse.

Luwéq dengan gen dateng kadu aran Tiang, dait bebase, ‘Tiang niki Ie!’ Ie pade gen miaq luwéq dengan jari sesat.

Side pade harus onyaq-onyaq, séngaq side pade gen tebau dait teoros ojok Mahkamah Agame. Side pade gen tempuk léq balé-balé ibadah dait gen tejauq ojok pare penguase dait pare raje lantaran Tiang, sebagé kesaksian umaq ie pade.

Séngaq almasih-almasih palsu dait nabi-nabi palsu gen dateng. Ie pade gen miaq tande-tande dait muqjizat-muqjizat jari nipu, dait lamun bau, dengan-dengan saq sampun tepiléq siq Tuhan éndah.

“Sesampun mase kesusahan nike, sinar jelo gen jari peteng dait bulan ndéq becahaye. Bintang-bintang gen geriq léman langit dait selapuq kuase saq araq léq langit jari biur lantur.