Popular Bible Verses from MATIUS 7

Share

“Pade tunas, make side pade gen nerimaq. Pade boyaq, make side pade gen mauq. Pade ketok lawang, make side pade gen tebukaqang lawang.

Séngaq dengan saq nunas gen nerimaq; dengan saq boyaq gen mauq; dait dengan saq ngetok lawang, gen tebukaqang lawang.

“Dengan saq dengah manik Tiang niki dait ngelaksaneang hal nike, dengan nike pade maraq dengan bijaksane saq penganjeng baléne léq atas batu.

Perlakuang dengan lain maraq side pade mélé teperlakuang siq ie pade. Nike intine selapuq Hukum Taurat dait kitab nabi-nabi.”

Laguq mule supit dait sengke lawang dait langan saq jauq dengan tipaq idup nike. Dait cume sekediq dengan saq ndait lawang dait langan nike.”

“Silaq tame léman lawang saq supit, séngaq lawang dait langan saq nuju ojok nerake nike beléq dait gamber, dait luwéq dengan saq tame liwat derike.

Jari, lamun side pade saq jahat, tao ngebéng saq bagus léq bije-bijende. Lebih-lebih Bapa side pade léq sorge! Ie lebihan malik gen ngicanin saq bagus tipaq sebilang dengan saq nunas léq Ie.

“Ndaq side pade hakimin dengan lain, adéq side pade ndéq tehakimin siq Allah. Séngaq berembé entande hakimin dengan lain, maraq nike éndah Allah gen hakimin side pade. Ukuran saq side pade kadu léq dengan lain, nike éndah gen tekadu siq Allah léq side pade.

Dait dengan saq dengah manik Tiang niki laguq ie ndéq ngelaksaneang hal nike, dengan nike pade maraq dengan saq bodo, saq penganjeng baléne léq atas gerés.

Kembéq side pade pedasang bubuk kayuq léq dalem penenteng semetonde, padahal balok léq dalem penentengde, ndéq side pade perhatiang? Berembé side pade bau bebase léq semetonde, ‘Alurang tiang sugulang bubuk kayuq saq araq léq penentengde,’ padahal léq dalem penentengde mésaq araq balok?

“Onyaq-onyaq tipaq nabi-nabi palsu. Ie pade dateng tipaq side pade nyamar maraq dombe, laguq ie pade setetune maraq serigale saq buas. Side pade gen kenal ie pade léman hasil perbuatanne. Bebenes bedui ndéq nyugulang buaq anggur, dait pupaq bedui ndéq ngasilang buaq are.

Léman lolo saq solah tehasilang buaq saq solah. Dait léman lolo saq ndéq solah tehasilang buaq saq ndéq solah.

Lolo saq solah ndéq bau ngasilang buaq saq lengé, dait lolo saq ndéq solah ndéq bau ngasilang buaq saq solah.

Sebilang lolo saq ndéq ngasilang buaq saq solah, terebaq dait tesedut.