Popular Bible Verses from Roma 8

Share

Re ngene wa waro mangale mo-moini ga'a Ma Jou'ongu Madutu 'o 'aturu di'a ngene nanga la-la. Ngene gena-ge ga'a dadalara Unanga, re Unanga na 'aro'o mete'e Unanga 'ai 'akala ma mau.

Sababu ngoi to ngaku mode-mode'e mangale toma dungia sitabi donga, bae sengene bolo 'ahu, bae mala'ekata bolo kuasa hafu-hafu, bae 'oru ga'a 'i dadi 'orasa nange-ne bolo ḏuanga i'a, bae kuasa 'oru ḇato toma dungia ma dara nena-ne, bae 'ori i'a toma diwanga bolo toma dungia ma dara, bolo 'oru ma lelegu ra Ma Jou'ongu Madutu 'ai do-dadi, mo-moini gena-ge ya dola'aku yoḏu'u Ma Jou'ongu Madutu 'ai dadalara ra ngene, sababu Kristus Yesus nanga Jou.

So'o gena ḏi'i Ma Ngagara 'Ofi-'Ofi na riono ngene sababu ngene wo lamahana: Ngene wa waro ua ga'a 'oru balasu wo manyiata. Dadi Ma Ngagara 'Ofi-'Ofi masiretene 'i golo'o rema balisa ra Ma Jou'ongu Madutu, di'a ngene. Balisa gena-ge, enanga ma ngale ngene wa sahe ua.

Mangale mo-moini ga'a Ma Jou'ongu Madutu 'a si'a'a gena-ge, ngene wo kanau 'oru?! Mode-mode'e Ma Jou'ongu Madutu ra ngene ino! Na'o so'o gena-ge 'a guna nga'unu 'o lawana ngene?! Tantu ḏua, matengo i'a mai ua!

Sababu gena-ge, ngowa'a ga'a manga 'ahu ri marimoi ra Kristus Yesus, ananga sanga hukumu riwara.

Na'o ninga fikirana 'i mete'e manusia ma tabeata baraḏosa, ma ḏo-ḏogumu tala 'i sigasa ngini toma sengene kasingado-ngadolo i'a. Mada'a na'o ninga fikirana 'i mete'e Ma Ngagara 'Ofi-'Ofi ma mau, ma ḏo-ḏogumu tala sigasa ngini toma 'ahu mode-mode'e re ngini ninga 'ahu rema dame ra Ma Jou'ongu Madutu.

Kalaha ngene wo sanga susa re sangisara mo-moini gena-ge, ngene wo 'utungu 'i ti-tiai sababu Unanga ga'a dadalara ngene.

Sababu ngoi to ngaku mode-mode'e mangale ma mulia ga'a Ma Jou'ongu Madutu ḏuanga i'a 'o sijumu ra ngene, mulia gena-ge lai lamo'o reo sangisara mo-moini ga'a ngene wa basono toma 'orasa nange-ne.

'Age 'ori i'a i'a ga'a nga'unu dola'aku Kristus 'ai dadalara ra ngene?! Cua! Bae ngene nanga 'ahu basono kangela bolo sangisara, bae ngene wo sanga sikisa bolo sawini bolo 'ahu ma dinga'unu ua, bae ngene wo sanga bahala, bolo wo sengene; Kristus 'ai dadalara 'i sieanga i'a ua ngene.

Dadi Ma Jou'ongu Madutu ga'a 'o waro manusia nanga 'akala re sinyingara ma dara, Unanga ḏi'i 'o sahe Ma Ngagara 'Ofi-'Ofi ma mau sababu Enanga gena-ge 'i golo'o ra Ma Jou'ongu Madutu di'a 'Ai 'umata re go-golo'o gena-ge mete'e Unanga 'ai mau.

Sababu ngowa-ngowa'a ga'a Ma Ngagara 'Ofi-'Ofi ya'u sinyanyasele, ananga gena-ge Ma Jou'ongu Madutu 'ai ngowa-ngowa'a nau'u.

Ngowa-ngowa'a ga'a 'aḏi 'ahu mete'e manusia ma tabeata baraḏosa, 'aḏi mafikiri pa'i manga tabeata nyafusu gena-ge ḇato. Mada'a ngowa-ngowa'a ga'a 'aḏi 'ahu mete'e Ma Ngagara 'Ofi-'Ofi ma mau, 'aḏi mafikiri pa'i Enanga ma mau ḇato.

'Ai Ngowa'a Nau'u masiretene Unanga 'a sidoa'a toma ngowa'a ma jira, la ananga 'U sisengene di'a sisalamata ngene mo-moini ga'a ngowa'a baraḏosa. Dadi, tantu ḏua Unanga 'o pula'a 'oru ḇato ga'a ngene wo paralu!

Ma Ngagara 'Ofi-'Ofi masiretene 'i sisakisi mamete'e ra ngene nanga roh, mangale ngene Ma Jou'ongu Madutu 'ai ngowa-ngowa'a. Re sababu ngene Unanga 'ai ngowa-ngowa'a, tantu ḏua ḏuanga i'a ngene wo sanga warisi ga'a Unanga 'o sidodahe di'a 'Ai ngowa-ngowa'a. Re ngene ḏuanga i'a sanga warisi gena-ge mamete'e ra Kristus. Sababu toma dungia nena-ne ngene wo sanga sikisa ma tero sa'olo Kristus, dadi ḏuanga i'a ngene wo sanga 'Ai mulia ma balangu ḏi'i.

Ngowa'a ga'a manga 'ahu mete'e manusia ma tabeata baraḏosa, ngowa'a gena-ge 'o lawana Ma Jou'ongu Madutu, sababu ngowa'a gena-ge 'aḏi ta'aloko ua ra Ma Jou'ongu Madutu 'ai hukumu. Ma nyonyata, ananga gena-ge nga'unu ua ya ta'aloko!

'Oru ḇato Ma Jou'ongu Madutu 'ai do-dadi toma dungia nena-ne ma dara, enanga mo-moini 'i totoma re 'i ga-ganutu madutu di'a Unanga 'o sijumu 'Ai ngowa-ngowa'a nau'u.

Ngene wo waro singadolo 'orasa nange-ne dungia re ma dara mo-moini 'i balisa, sababu enanga 'i basono sangisara ma tero sa'olo were'a rami lese mo basono sangisara wakutu mo maḏe-ḏegoro i'a.