Popular Bible Verses from 1 Korintus 3

Share

Ngini ni waro bolo ua, mangale ngini gena-ge sa'olo Ma Jou'ongu Madutu 'ai Wala?! Re Ma Ngagara 'Ofi-'Ofi ra Ma Jou'ongu Madutu tala, Enanga 'i tegoro taninga sigolona?!

Sababu Ma Jou'ongu Madutu masiretene 'a siḏe-ḏegoro Yesus Kristus sa'olo bangini gena-ge. Re bangini gena-ge di'a side'oso wala; bangini ma lelegu 'i cua.

Dadi ngowa'a so'a-so'ana bolo ngowa'a aja-ajala paralu madutu ua. Mada'a Unanga ga'a 'a sikonyo joro gena-ge paralu madutu, Unanga gena-ge Ma Jou'ongu Madutu.

Ngomi mi munara di'a Ma Jou'ongu Madutu, re ngini ma tero sa'olo Ma Jou'ongu Madutu 'ai guḏa. Ngini ḏi'i sa'olo Ma Jou'ongu Madutu 'ai Wala di'a Unanga 'o tegoro.

Matengo nanga munara ḏuanga i'a ngowa'a ya oḏi'i wakutu Kristus dadunu 'o sapolo soi moi moju di'a sijuruhakimi ngowa'a. Toma wangere gena-ge u'u ya disa waro matengo re matengo nanga munara 'i rousu bolo ua. Na'o 'ai munara 'i rousu, 'i ro'u ua. Mada'a na'o 'ai munara 'i rousu ua, 'i ro'u.

Ngowa'a matengo ga'a 'o so'ana re 'o ajala go-gahu, ananga manga ḏe-ḏegoro ma tero. Ananga ḏuanga i'a 'aḏi sanga ngogele ra Ma Jou'ongu Madutu mete'e manga munara, matengo re matengo.

Awa ni sihaga ninga diri masiretene. Na'o 'age taninga sigolona matengo i'a ga'a 'o ta'ajiri unanga ngowa'a 'akala soro'unu toma manusia ma momina; unanga gena-ge balasu 'o madadi sa'olo ngowa'a haga toma manusia ma momina, la unanga mode-mode'e ngowa'a 'akala soro'unu ra Ma Jou'ongu Madutu 'ai momina.