Popular Bible Verses from Rm 12

Share

N'winga hanyi hi kufambelana ni swihila swa nguva leyi, kambe tindrulutani, n'wikuma mayanakanyela lamampsha. Xi leswi, n'witayingelisisa leswaku hi kwini kurandra ka Xikwembu Nkulukumba, leswinga swinene, leswi trhavisaka ni leswi hetisekiki.

Vamakweru, nan'witratriya kolahu hi lirandru dra Xikwembu Nkulukumba akuva n'witinyiketa ku yene swanga mhamba leyi ya kuhlawuleka ni leyi yitrhavisaka. Hi droledri gandrelo ledra ntshima ledri n'wifanekelaka ku munyika.

Nyoxani akulaviseleni, n'wiva ni xixixi amahlomulweni, n'witiyisela a kukhongoteni.

Ungahluliwe hi swakubiha, kambe hlula swakubiha hi leswi swinene.

Randranani hivuxaka, n'wisiya-siyana hiku yentxelana xihluwa.

Ingi lirandru drenu dringava ni kudumbeka, nyenyani swakubiha n'wiyentxa leswi swinene.

Loko swikotekaka hi tlhelo drenu, vanani ni kurula ni vhanu hinkwavu.

Varandriwa, n'wingayavanyisi hi mavoko yenu. Trikelani mahlundru ya Xikwembu Nkulukumba, hikusa a Hosi yiti a Matralweni ya kuxwenga: A kudrihisa kufanele mine, hi mine nitaka nyika a hakelo.

N'wingavi malolo akukhinyeleni kwenu, pfurani moyeni, n'witirela Hosi.

Hi timpswalu leti ni nyikiwiki tone, ni n'wileleta leswaku ni mun'we anga txhuki atipimisa kutlula leswi swifanelaka. Kusungula yanakanyani hi kunabyala ni leswaku mun'wana-ni-mun'wana a atiyanakanye ha vuswake swanga hi mpimu wa kupfumela lowu Xikwembu Nkulukumba amunyikiki.

N'wingatlheliseli kubiha hi kubiha. Djulisisani ni kuyentxa leswi swinene amahlweni ka hinkwavu.

Hanyani hi kuyingelana amoyeni mun'we; n'wingatidjuleli leswi tlakukiki, kambe yamukelani leswi trongahatekiki; n'winga tikuliseni hi leswi n'wiswitivaka.

Matlhela maku: Loko a nala waku ani ndlala, munyike ada ni loko ani tora munyike anwa. Hi kuyentxa leswo uta mukhomisa tingana.

Kombelelani lava van'wixanisaka, vahlayelani makateko, n'wingava kombeleli swakubiha. Trhavani ni lava vatrhaviki n'widrila ni lava vadrilaka.

Yavelanani ni vapfumeli lava pfumalaka, yamukelani swinene a vayeni.

Hikusa swanga hileswi amirini min'we kungani swiro swakuhambana, ahi hinkwaswu swingani mintiro ya kufanana. Xi leswo na hine, hinga vanyingi, kambe hi miri min'we ku Kriste, na swone hi swiro ku mun'wana-ni-mun'wana