Popular Bible Verses from I Kor 13

Share

A lirandru drilehi mbilu, drini vunene. A lirandru adrina vukwele, adritiyentxisi na kone adritikukumuxi, a lirandru adriyentxisi tingana, adritidjuleli swa drone ntsena, adritikwatisi, adripimisi leswi swakubiha

drixaniseka hi hinkwaswu, dripfumela hinkwaswu, drilavisela hinkwaswu; dribyatrha hinkwaswu.

adritrhaveli kuka-vululami, kambe dritrhavela a xihlayelamfuri

Kambe swoswi kuni leswi swiraru: Kupfumela, kulavisela ni lirandru; kambe lexi xikulu ku swone i lirandru.

A lirandru adrina vugamu hi la kungahelikiki. Kasi nambi kuni vuprofeta, byitahelisiwa; nambi tindrimi titahela; nambi a vutivi byitahelisiwa.

Nambi loko mine ningavulavula a tindrimi ta vhanu ni ta tintrumi, loko ningana lirandru, nifana ni nhumbu leyi yipfumaka, xinsimbana lexi xihambaka a mpfumawulu.

Nakone nambi ningavani nyiko ya vuprofeta, nambi ningativa a swihundla hinkwaswu ni vutivi hinkwabyu; nambi ningava ni kupfumela hinkwaku la kakuva nisusa ni tinhava, loko ningana lirandru, ani ntxhumu.

Mfuri nambi loko ningayavela a vukosi byanga hinkwabyu, nambi ninganyikela a miri yanga wuhisiwa akuva nititwalisa, loko ningalina lirandru, aswinipfuni ha ntxhumu.

A nkama afaka nili ntrongwana, afa ni vulavula swanga ntrongwana, nipimisa swanga ntrongwana, niyanakanyisisa swanga ntrongwana; loko ntrhaku nindruluki wanuna nkulu, nihelisi a swavutrongwana.