Popular Bible Verses from Iraétanüxü̃arü muxchiga 23

Share

Rü Tupana rü tama duü̃xü̃gü nagu rüxĩnüxü̃gu narüxĩnü, rü taguma nidora rü taguma nanaxüchicüxü i norü ĩnü. Rü ngẽxguma ta̱xacüxü̃ yaxuxgu rü aixcümama nanaxü. Rü ngẽxguma ta̱xacüca̱x inaxunetagu rü aixcümama nayanguxẽxẽ.

Rü taxucürüwa i yuüxü̃arü poramaxã tanachixexẽxẽ i ngẽma Acóbuarü duü̃xü̃gü, rü taxucürüwama ta̱xacürü chixexü̃maxã tanachixexẽxẽ i ngẽma Iraétanüxü̃. Rü ngẽmaca̱x i duü̃xü̃gü rü tá nüxü̃ nixugüe nax poraãcü Tupana nüxü̃ rüngü̃xẽẽxü̃ i ngẽma Iraétanüxü̃ i Acóbuarü duü̃xü̃gü ixĩgüxü̃, rü ñanagürügü tá: “Tupana rü taxü̃ i norü poramaxã ínananguxü̃xẽxẽ nawa ga yema taxü̃ ga norü guxchaxü̃ ga nüxü̃́ yexmagüxü̃”, ñanagürügü tá.

Rü choxü̃ namu ya Tupana nax mexü̃ namaxã chaxueguxü̃ca̱x i ngẽma duü̃xü̃gü i Iraétanüxü̃ erü nümatama ya Tupana rü mexü̃ namaxã naxuegu rü ngẽmaca̱x i choma rü taxucürüwa chixexü̃ namaxã chaxuegu.