Popular Bible Verses from Iraétanüxü̃arü muxchiga 13

Share

Rü yexguma yema ngugütaeruxü̃ ga Caréx rü nanachianexẽxẽ ga yema duü̃xü̃gü ga Moichépe̱xewa yexmagüxü̃ rü ñanagürü: —¡Ngĩxã tóxrüxü̃ tayaxĩxẽxẽ i ngẽma naane, erü yixema rü tüxü̃́ natauxcha nax tóxrüxü̃ yaxĩxẽẽxü̃! —ñanagürü.

Rü nüxü̃ tadaugü ga Anáxtanüxü̃ ga itaxüchixü̃ rü máchanexü̃chixü̃. Rü yemaca̱x ga toma ga naxü̃tawa nax togü tadaugüxü̃ rü tanamunügüraxü̃mare. Rü nümagü rü ta yemaacütama toxü̃ nadaugü —ñanagürügü.

Natürü ga yema togü ga namücügü rü nanangãxü̃gü rü ñanagürügü nüxü̃: —Tama nixĩ i namexü̃ nax namaxã yigü ida̱i̱xü̃ i ngẽma duü̃xü̃gü, erü nüma rü tá tüxü̃ narüporamaegü —ñanagürügü.

Rü yexguma ga yema togü ga Caréxmücügü rü yema Iraétanüxü̃maxã nüxü̃ nixugüe nax nachixexü̃ ga yema naane rü ñanagürügü: —Rü ngẽma nachixü̃ane i nawa ngugütaewa ne taxĩxü̃ rü tama mexü̃ nixĩ. Rü ngẽma naane ga tayangugüxü̃ rü nachu̱xu rü ngẽmagagu muxü̃ma i ngẽma naanegu ãchiü̃güxü̃ i duü̃xü̃gü rü nayue. Rü ñu̱xũchi guxü̃ma ga yatüxü̃gü ga yéma nüxü̃ tadauxü̃ rü nitaxüchi.

Rü Moichémaxã nüxü̃ nixugüe rü ñanagürügü: —Marü nawa ne taxĩ i ngẽma naane i nawa toxü̃ cumugüxü̃. Rü aixcüma nixĩ i ngẽma naanewa rü guxü̃wama nangẽxmaxü̃ i nabüane i mexü̃ rü taguma nataxuxü̃. Rü ñaagü nixĩ i ngẽma nanetügü i ngéma muxü̃.

Natürü ngẽma duü̃xü̃gü i ngẽxma ãchiü̃güxü̃ rü nipora, rü yimá norü ĩanegü rü nita rü meama ínipoxegugü. Rü to ga yéma nüxü̃ tadauxü̃ nixĩ ga gumá Anáxtaagü i naxrüü̃tama imáchanexü̃chixü̃.

Rü ngẽma Négueanewa rü ngẽxma naxãchiü̃gü i ngẽma Amaréxtanüxü̃. Rü ngẽma ínamáxpü̱xanexü̃gu rü naxãchiü̃gü i ngẽma Itítanüxü̃ rü Yebuchéutanüxü̃ rü Amoréutanüxü̃. Rü márcutügu rü natü i Yudáü̃cutügu nixĩ i naxãchiü̃güxü̃ i Canaáü̃tanüxü̃ —ñanagürügü.

Rü 40 ga ngunexü̃ ningegü nax nangugüanegüãxü̃. Rü yemawena rü Cadéca̱x nawoegu ga Paráü̃arü chianexü̃wa, yerü yéma nixĩ ga nayexmagüxü̃ ga Moiché rü Aróü̃ rü guxü̃ma ga Iraétanüxü̃. Rü nüma ga yema ngugütaewa ne ĩxü̃ rü nüxü̃ nixugügü ga guxü̃ma ga yema nüxü̃ nadaugüxü̃. Rü nüxü̃ nanawe̱xgü ga yema nanetüarü o ga yema nachixü̃anewa ne nangegüxü̃.