Popular Bible Verses from Ore i mexü̃ ga Márcu ümatüxü̃ 15

Share

Rü yematama oragu rü tagaãcü aita naxü ga Ngechuchu, rü ñanagürü: —Erí, Erí, ¿damá chabátani? —ñanagürü. Rü ngẽma rü ñaxü̃chiga nixĩ: “Pa Chorü Tupanax, Pa Chorü Tupanax ¿tü̱xcüü̃ choxna quixũgachixü̃?” ñaxü̃chiga nixĩ.

Rü gumá churaragüarü capitáü̃ ga Rómacüã̱x ga Ngechuchupe̱xewa yexmacü, rü yexguma nüxü̃ nada̱u̱xgu nax nayuxü̃, rü ñanagürü: —Aixcüma nixĩ ya daa yatü ya Tupana Nane nax yixĩxü̃ —ñanagürü.

Rü yexguma ga Tupanapata ga taxü̃nearü tüyemachiãxü̃ rü taxregu narügáute. Rü daxũwa inaxügü ga nax nagáutexü̃ rü ñu̱xmata ñaxtüwa nangu.

Natürü nüma ga Ngechuchu rü tagaãcü aita naxü, rü ñu̱xũchi nayu.

Rü yexguma tocuchiwa nanguxgu, rü guxü̃ ga naanewa naxẽane ñu̱xmata yáuanecü tomaepü̱xarü orawa nangu.

Rü yexguma ga Pirátu rü Barabáxü̃ ínanguxuchixẽxẽ, yerü duü̃xü̃güxü̃ nataãẽxẽẽchaü̃. Rü ñu̱xũchi norü churaragüxü̃ namu nax Ngechuchuxü̃ nacua̱i̱xgüxü̃ca̱x rü ñu̱xũchi curuchawa yanapotagüãxü̃ca̱x.