Popular Bible Verses from Ore i mexü̃ ga Matéu ümatüxü̃ 26

Share

¡Rü ipedaue rü Tupanana naxca̱x peca nax pexü̃ nangü̃xẽẽxü̃ca̱x nax tama choxü̃ ípetáxü̃ca̱x! Erü aixcüma peãẽwa rü ípememare nax ngúxü̃ pingegüxü̃, natürü pexene rü natura —ñanagürü ga Ngechuchu.

Rü yexguma ga Ngechuchu rü ñanagürü nüxü̃: —Poraãcü changechaü̃ rü nagu charüxĩnü rü ngẽmamaxã tá chayu. ¡Rü nuxã perücho i pemax, rü chauxrüxü̃ ipedaue! —ñanagürü.

Rü yexguma ga Ngechuchu rü yéaxüra naxũ. Rü waixü̃müanegu nanangücuchi. Rü nayumüxẽ rü ñanagürü: —Pa Chaunatüx, ngẽxguma cuma cunaxwa̱xegu, ¡rü nüxna choxü̃ ínanguxuchixẽxẽ i ñaa ngúxü̃ i tá chingexü̃! Natürü chanaxwa̱xe i curütama ngúchaü̃ cuxü rü tama i choxrü —ñanagürü.

Erü daa bínu rü chaugü nixĩ. Rü yimámaxã Tupana duü̃xü̃güxü̃ nanawe̱x nax aixcüma yixĩxü̃ i norü uneta. Rü yimá chaugü rü muxü̃ma i duü̃xü̃güca̱x nixĩ i nabaxü̃ nax Tupana nüxü̃́ nüxü̃ irüngümaxü̃ca̱x i norü pecadugü.

Rü yexguma ínachibüeyane rü Ngechuchu nanayaxu ga wüxi ga paũ. Rü Tupanana moxẽ naxã, rü inanabücu, rü norü ngúexü̃güxü̃ nayanu. Rü ñanagürü: —¡Penayaxu rü penangṍ! Ñaa rü chaxune nixĩ —ñanagürü.

Rü ñu̱xũchi nanayaxu ga wüxi ga copu ga bínumaxã ããcuxü̃. Rü Tupanana moxẽ naxca̱x inaxã. Rü ñu̱xũchi norü ngúexü̃güna nanaxã, rü ñanagürü nüxü̃: —¡Guxãma i pema rü ñaa copuwa peyaxa̱xü̱x ya bínu!

Rü yemawena ga Ngechuchu rü nataegu ga yema norü ngúexü̃gü íyexmagüxü̃wa. Rü nüxü̃ inayangau nax ínapeexü̃. Rü ñanagürü Pedruxü̃: —Pa Pedrux, ¿tama ẽ̱xna namaxã peporae nax wüxi i ora chomaxã ipedauexü̃?

Rü pemaxã nüxü̃ chixu rü tagutáma wena bínu chayaxaxü ñu̱xmatáta Chaunatü ya Tupana ãẽ̱xgacü ixĩxü̃wa ngexwacaxü̃cü ya bínu pemaxã chayaxaxü —ñanagürü.

Rü nüma ga Pedru rü yexguma nüxna nacua̱xãchi ga yema ore ga Ngechuchu namaxã nüxü̃ ixuxü̃ ga ñaxü̃: “Rü naxü̃pa nax ota ica̱xaxü̃, rü cuma rü tomaepü̱xcüna tá cugü quixã nax chorü duü̃xü̃ quixĩxü̃”, ñaxü̃. Rü ínaxũxũ ga Pedru rü poraãcüxüchima naxaxu.

¡Ipechigü rü ngĩxã ítixĩ! Erü marü ningaica i ngẽma choxü̃ íyaxuaxü̃xü̃ —ñanagürü.

Rü yexguma ga Ngechuchu rü ñanagürü: —¡Naxchiü̃gu yaxǘcuchi i curü tara! Erü guxãma ya yíxema taramaxã nuẽxe, rü taragu tátama tayue.