Popular Bible Verses from Ore i mexü̃ ga Matéu ümatüxü̃ 20

Share

Natürü taxũtáma ngẽmaãcü nixĩ i petanüwa. Rü ngẽxguma texé i petanüwa naxwa̱xegu nax togüétüwa tangexmaxü̃, rü name nax guxãarü ngü̃xẽẽruxü̃ tixĩxü̃. Rü ngẽxguma texé i petanüwa naxwa̱xegu nax tümamücügüétüwa tangexmaxü̃, rü name nixĩ i tümamücügüarü mugüruxü̃ tixĩ. Yerü Tupana Nane ya duü̃xü̃xü̃ ixĩcü rü tama nüxü̃ nangü̃xẽẽgüxü̃ca̱x núma naxũ. Natürü núma naxũ nax duü̃xü̃güxü̃ yanangü̃xẽẽxü̃ca̱x rü naxca̱x inaxããxü̃ca̱x i norü maxü̃, nax ngẽmaãcü muxü̃ma i duü̃xü̃güarü maxü̃ naxütanüxü̃ca̱x —ñanagürü.

Rü yíxema ñu̱xma duü̃xü̃gü wixweama tüxü̃ ügüxexẽ́xẽ, rü daxũguxü̃ i naanewa rü Tupana tá wixpe̱xewa tüxü̃ naxǘgüxẽxẽ. Rü yíxema ñu̱xma duü̃xü̃gü wixpe̱xewa tüxü̃ ügüxexẽ́xẽ rü daxũguxü̃ i naanewa rü Tupana tá wixweama tüxü̃ naxǘgüxẽxẽ. Erü Tupana rü muxũchiena naxu, natürü noxretama tixĩ ya yíxema tüxü̃ nadexe —ñanagürü ga Ngechuchu.

Rü yexguma ga Ngechuchu rü nüxü̃́ nangechaü̃tümüxü̃gü, rü naxetügügu ningõgü. Rü yexgumatama nidauchigü, rü Ngechuchuwe narüxĩ.