Popular Bible Verses from Ore i mexü̃ ga Matéu ümatüxü̃ 10

Share

Dücax, choma rü ñoma carnérugü i airugü i düraexü̃tanüwa imugüxü̃rüxü̃ pexü̃ chamugü. ¡Rü ngẽmaca̱x penaxwa̱xe i ãxtapegürüxü̃ pexuãẽgü, natürü muxtucugürüxü̃ taxuxü̃ma i chixexü̃ pexügü!

Rü texé tama cha̱u̱xca̱x inaxãxe i tümaarü maxü̃ rü tá itanatauxẽxẽ. Natürü texé cha̱u̱xca̱x inaxãxe i tümaarü maxü̃ rü tá tanayaxu i maxü̃ i taguma gúxü̃.

¡Rü taxṹ i nüxü̃ pemuü̃exü̃ i ngẽma duü̃xü̃gü i taxü̃nexü̃ imáxü̃! Erü taxucürüwa nayama̱x i taãxẽ. Natürü name nixĩ i nüxü̃ pemuü̃e ya yimá Tupana. Erü nüma nüxü̃́ nangẽxma i pora nax napoxcuãxü̃ca̱x i pexene rü peãxẽ rü ta nagu ya yimá üxü ya taguma ixoxü̃ne.

Rü yíxema tama yáxna namaxã ĩnüxe i ngẽma guxchaxü̃gü i chaugagu tümaca̱x ínguxü̃ rü tama chowe rüxũxe, rü taxucürüwama chorü duü̃xü̃ tixĩ.

Rü guxãma ya texé ya duü̃xü̃güpe̱xewa tügü ixuxe nax chorü duü̃xü̃ tixĩxü̃, rü choma rü tá ta Chaunatü ya daxũgucüpe̱xewa tüxü̃ chixu nax chorü duü̃xü̃ tixĩxü̃ i tümax. Natürü texé ya duü̃xü̃güpe̱xewa tügü ixuxe nax tama chorü duü̃xü̃ tixĩxü̃, rü choma rü tá ta Chaunatü ya daxũgucüpe̱xewa tüxü̃ chixu nax tama chorü duü̃xü̃ tixĩxü̃ i tümax.

¡Rü penameexẽxẽ i ngẽma ida̱xaweexü̃! ¡Rü wena penamaxẽxẽẽ̱x i ngẽma marü yuexü̃! ¡Rü penameexẽxẽ i ngẽma chaxünemaxã ida̱xaweexü̃! Rü ngẽma ngo̱xoã̱xgüxü̃ ¡rü nawa ípenawoxü̃! Rü tama name i penaxãtanü ega texéxü̃ perümexẽẽgu, erü ngẽma pora i pexü̃́ ngẽxmaxü̃ rü pexü̃́ nangetanümare.

Rü ngẽmaca̱x ¡taxṹ i pemuü̃exü̃! Erü pema rü muxü̃ma i weriacügüarü yexeraxüchi peme i Tupanape̱xewa.

¡Rü taxṹ i nagu perüxĩnüexü̃ nax núma chaxũxü̃ nax wüxigu naxĩnüexü̃ca̱x i guxü̃ma i duü̃xü̃gü! Natürü pemaxã nüxü̃ chixu rü núma chaxũ nax chaugagu yatoyexü̃ca̱x i duü̃xü̃gü.