Popular Bible Verses from Lebítanüxü̃arü puracüchiga 19

Share

Rü tama name nax namaxã cunuxwa̱xexü̃ i cutanüxü̃ rü bai nax naxchi cuxaixü̃. ¡Rü cumücüxü̃ nangechaü̃, ñoma cugütama cungechaü̃xü̃rüxü̃! Rü choma nixĩ ya Cori ya Tupana.

¡Rü ngẽxguma nayu̱xgu i wüxi i petanüxü̃, rü taxũtáma perü ngechaü̃maxã pegü pewixtüxü̃ne! ¡Rü taxũtáma pegü pexümatüxü̃negü! Rü choma nixĩ ya Cori ya Tupana.

—¡Rü Iraétanüxü̃ i duü̃xü̃gümaxã nüxü̃ ixu i ñaa ore!: “Rü name nax pixüünegüxü̃ i pemax, erü choma ya perü Cori ya Tupana rü chaxüüne.

¡Rü taxṹ i naxchi cuxaiechaxü̃ i cuenexẽ! ¡Rü naxuxcu̱xẽ i cumücü i ngẽxguma chixexü̃ naxü̱xgu rü taxṹ i norü chixexü̃gu cuxãxü̃!

¡Taxũtáma nüxna peyaca i ngẽma naãẽgü i yuuxü̃ namaxã puracüexü̃! ¡Rü taxũtáma nüxna peyaca i ngẽma nüxü̃ icuáxü̃ i ngẽma ẽxü̃guxü̃ i yixcüra tá ngupetüxü̃! ¡Rü taxũtáma ngẽmaãcü pegü pixãũãchixẽxẽ! Rü choma nixĩ i perü Cori ya Tupana chixĩxü̃.

¡Rü taxũtáma oregümaxã curü ĩanegü cunaxũane! Rü taxũtáma cumücüchiga doraxü̃ quixu nax ngẽmaãcü ãũcümaxü̃wa cunangexmaxẽẽxü̃ca̱x. Rü choma nixĩ ya Cori ya Tupana.