Popular Bible Verses from Yochué 1

Share

Rü choma nixĩ i cuxü̃ chamuxü̃ nax cugü cuporaxẽẽxü̃ca̱x Rü tama name i cumuü̃xü̃ rü icuyarümaãchi, erü choma ya curü Cori ya Tupana rü tá cuxü̃tawa changexma i ngextá cuma ícuxũxü̃wa —ñanagürü ga Tupana.

¡Rü guxü̃gutáma nawa cungu̱x i ngẽma nüxü̃ chixuxü̃ i chorü mugüpanewa! Rü name nixĩ i cuma rü chütacü rü ngunecü rü nagu curüxĩnü i ngẽma chorü ore nax ngẽmaãcü mea cunaxüxü̃ca̱x i ngẽma cumaxã nüxü̃ chixuxü̃, rü mea cuxü̃́ ínanguxuchixü̃ca̱x i guxü̃ma i ta̱xacü ícuxüxü̃wa.

Rü wüxixicatama nixĩ i cumaxã nüxü̃ chixuxü̃, rü ngẽma nixĩ nax tama cumuü̃xü̃ rü aixcüma naga cuxĩnüxü̃ rü cuyanguxẽẽxü̃ i guxü̃ma i ngẽma mugü ga chorü duü̃ ga Moiché cuxna ãxü̃. ¡Rü ẽcü mea yanguxẽxẽ nax mea cuxü̃́ ínanguxuchixü̃ca̱x i guxü̃ i ta̱xacü ícuxüxü̃wa!

Rü guxü̃ma i ngunexü̃gü i nagu cumaxü̃xü̃gu rü taxuxü̃táma cuxü̃ narüporamae. Rü choma rü tá cuxü̃tawa changexma, yema Moichéxü̃tawa chayexmaxü̃rüxü̃. Rü tagutáma ngextá cuxü̃ chata̱x, rü tagutáma cuxü̃ chaxo.

¡Rü cugü írüpora rü taxṹ i cugü cutaeguxü̃! Erü cuma tá nixĩ i nüxü̃ cuyanuxü̃ i norü naane i ñaa duü̃xü̃gü, yerü yema nixĩ ga perü o̱xigümaxã nüxü̃ chixuxü̃.

Rü yema marü Moichémaxã nüxü̃ chixuxü̃rüxü̃, rü choma rü tá pexna chanaxã i guxü̃ma i ngẽma naane i nawa tá pengagüxü̃.

—Ñu̱xma nax marü nayuxü̃ ya yimá chorü duü̃ ya Moiché, rü cuma tá nixĩ i guxü̃ma i ngẽma Iraétanüxü̃maxã quixüexü̃ nawa i ngẽma natü i Yudáü̃, nax nagu pichocuxü̃ca̱x i ngẽma naane i pexna chaxãxü̃.

Rü yexguma nayuxguwena ga gumá Tupanaarü duü̃ ga Moiché, rü nüma ga Cori ya Tupana rü Moichéarü ngü̃xẽẽruxü̃ ga Yochué ga Núü̃ nanemaxã nidexa, rü ñanagürü nüxü̃

Rü ngẽma naane i tá pexna chaxãxü̃, rü ngẽma chianexü̃ i súrwaama ngẽxmaxü̃wa inaxügü rü ñu̱xmata Líbanuarü ma̱xpǘnewa nangu i nórtewaama. Rü ngẽma naane rü taxtü i Eufrátewa inaxügü i éstewaama rü Itítanüxü̃anemaxã tá nangau ñu̱xmata Már i Mediteráneuwa nangu i oéstewaama.

Rü guxãma ya yíxema tama cuga ĩnüxe i ngẽxguma toxü̃ cumu̱xgu rü tá tayu. Rü ngẽma cuxna naxca̱x taca̱xaxü̃xicatama nixĩ nax cuporaxü̃ rü taguma curümaãchixü̃ —ñanagürügü.

—¡Guxü̃ma i duü̃xü̃gütanügu pixĩãgütanü, rü namaxã nüxü̃ pixu nax nanutaque̱xegüãxü̃ca̱x i õna! Erü tomaepü̱x i ngunexü̃wa nanguxgu rü tá tichoü̃ i natü i Yudáü̃ nax nayaxuxü̃ca̱x i ngẽma naane i tórü Cori ya Tupana tá tüxna ãxü̃ —ñanagürü ga Yochué.