Popular Bible Verses from Ochéa 9

Share

Rü ñanagürü ga Ochéa: —Ngẽma duü̃xü̃gü rü tama chorü Tupanaga naxĩnüechaü̃. Rü ngẽmaca̱x i nüma ya Tupana rü tá nüxü̃ naxo. Rü togü i nachixü̃anegügu tá nanawoone, rü ngéma rü tá nu ne nanaxĩmare —ñanagürü.

Rü Ochéa rü ñanagürü: —Pa Iraéanecüã̱xgüx, ¡taxṹ i petaãẽgüxü̃! ¡Taxũ i perü taãẽmaxã peyuxnagütanüxü̃ naxrüxü̃ i ngẽma togü i nachixü̃anecüã̱xgü! Pema rü taxü̃ i chixexü̃ pexü erü nüxna pixĩgachitanü ya perü Tupana rü tupananetagüxü̃mare picua̱xüü̃gü. Rü ñoma ngexü̃gü i naxü̃nemaxã taxexü̃rüxü̃ pixĩgü, erü guxü̃ma i nachicagü i trigu nawa pepúxü̃ pexü̃́ nangúchaü̃ nax penayauxtanüxü̃ naxca̱x i ngẽma chixexü̃ i pexüxü̃.

Pa Iraéanecüã̱xgüx, marü nawa nangu i ngẽma ngunexü̃gü nax Tupana pexü̃ napoxcuexü̃ naxca̱x i perü chixexü̃gü i taxüchixü̃. Rü pemax, Pa Iraéanecüã̱xgüx, rü tá nüxü̃ pecua̱x nax marü pexca̱x ínanguxü̃ i ngẽma perü poxcu. Pema rü ñaperügügü: “Ngẽma orearü uruxü̃ rü nangeãxẽmare, rü tama naãxẽxü̃ nacua̱x”, ñaperügügü. Natürü ngẽmaãcü pidexagü erü perü chixexü̃maxã penapagü rü poraãcü naxchi pexai ya yimá orearü uruxü̃.