Popular Bible Verses from Wenaxarü naxümatü ga Tupanaarü mugü 6

Share

¡Rü nüxü̃ pengechaxü̃gü ya perü Tupana i guxü̃ne ya perü maxü̃nemaxã, rü guxü̃ i peãxẽmaxã, rü guxü̃ i perü poramaxã!

¡Rü guxü̃gutáma ngẽma mugümaxã penangúexẽxẽ i pexacügü! ¡Rü nachigagu namaxã pidexagü i pepatagüwa rü ngextá ípexĩxü̃wa, rü ngẽxguma pepeechaü̃gu rü ngẽxguma íperüdagügu!

¡Rü pegüãẽgu namaxã penguxü̃ i guxü̃ma i ñaa ore i ñu̱xma pemaxã nüxü̃ chixuxü̃!

¡Rü dücax, iperüxĩnüe, Pa Iraétanüxü̃x! Rü nüma ya Cori ya tórü Tupana rü nüxicatama nixĩ i Cori yixĩxü̃.

Rü ngẽma nax tama nüxü̃ iperüngümaexü̃ca̱x i ñaa mugü ¡rü pegüme̱xẽwa rü pegücatüwa peyanga̱xcuchi nax ngẽxma peyangexü̃ca̱x perü cua̱xruxü̃!

¡Rü ẽcü pepataarü caxtagügu rü pepataarü ĩã̱xgügu penaxümatü i ngẽma mugü!

¡Rü nüxü̃ picua̱xüxü̃ ya Cori ya perü Tupana, rü yimágaxicatama pexĩnüe! Rü ngẽxguma wüxi i uneta pexü̱xgu ¡rü Cori ya Tupanaégaguxicatama penaxü̱x!

Rü nüma ya yimá perü Cori ya Tupana rü nawa tá pexü̃ nangugüxẽxẽ i ngẽma naane i nũxcümaü̃güxü̃ ga perü o̱xigü ga Abraáü̃maxã, rü Ichaámaxã, rü Acóbumaxã naxuegugüxü̃ nax pexna tá naxããxü̃. Rü ngẽma naanewa rü nangẽxmagü i taxü̃ne rü imexẽchine ya ĩanegü ya pema tama pexügüne. Rü ngẽma naanewa nangẽxmagü ya ĩpatagü ya ixããcune namaxã i mexü̃gü i tama pema pixüãcugüne, rü puchugü ya tama pema picaxmaü̃gücü, rü úbanecügü rü oribunecügü i tama pema petogüxü̃. Rü ngẽma tá nixĩ i pengõ̱xgüxü̃ ñu̱xmatáta mea pengãxpütüwegü. Rü ngẽxguma ngẽma mexü̃wa pengẽxmagügu ¡rü pexuãẽgü nax tama nüxü̃ iperüngümaexü̃ ya Cori ya Tupana ga nawa pexü̃ ínguxü̃xẽẽcü ga Equítuane ga norü mugüruü̃gü ípixĩgüxü̃wa!

Rü ñanagürü ga Moiché: —Yema nixĩ ga mugü rü ucu̱xẽgü ga Cori ya Tupana choxü̃ muxü̃ nax pexü̃ changúexẽẽxü̃ca̱x nax nagu pexĩxü̃ca̱x nawa i ngẽma naane i tá pexna naxãxü̃. Rü ngẽxguma guxü̃ i perü maxü̃gu pema rü penegü rü petaagü nagu pexĩxgu i ngẽma mugü rü ucu̱xẽgü i ñu̱xma pemaxã nüxü̃ chixuxü̃ rü ngẽmaãcü tá penataãẽxẽxẽ ya perü Cori ya Tupana rü tá mucü ya taunecü pemaxẽ.

¡Rü penaxüx i ngẽma aixcüma we̱xguxü̃ i Cori ya Tupana namaxã taãẽxü̃ nax ngẽmaãcü mea pexü̃ nangupetüxü̃ca̱x rü aixcüma penayaxuxü̃ca̱x i ngẽma mexü̃ i naane ga Cori ya Tupana perü o̱xigümaxã nüxü̃ yaxuxü̃!

Erü yimá perü Cori ya Tupana ya petanüwa ngẽxmacü rü nüxü̃́ pechu̱xu rü ngürüãchi pemaxã nanuxgu rü noxtacüma pexü̃ nadai rü pexü̃ nayarüxoxẽxẽ.

¡Rü taxũtáma nawe perüxĩ i ngẽma tupananetagü i ngẽma duü̃xü̃gü i pexna ngaicamagüxü̃ nüxü̃ icua̱xüxü̃güxü̃!

Rü tama name nax namaxã penuexü̃ ya perü Cori ya Tupana ga yexguma Macháwa namaxã penuegurüxü̃.