Popular Bible Verses from Wenaxarü naxümatü ga Tupanaarü mugü 18

Share

Rü tama name i texé i petanüwa rü tümaxacüxü̃ itamu nax ngẽma duü̃xü̃güarü tupanaca̱x tayaguxü̃, rü bai i nagu tixũxü̃ i ngẽma nawa nüxü̃ icuáxü̃ i ngẽma ẽxü̃guxü̃, rü bai i nagu tixũxü̃ nax tayuüxü̃, rü bai i nagu tixũxü̃ nax toguxexü̃ tachixexẽẽxü̃. Rü tama name i naxca̱x tixũ nax duẽxẽgüxü̃ tatoṍẽxü̃, rü bai i naxü̃tawa taxũ nax nüxna tayacaxü̃ca̱x i ngẽma ẽxü̃guxü̃xü̃ cuáxü̃, rü bai i nüxna tayaca i ngẽma naãxẽgüca̱x ngẽmagüxü̃, rü bai i nüxna tayaca i ngẽma yuetaãẽca̱x ngẽmagüxü̃.

Erü ya Tupana rü naxchi naxai i ngẽma duü̃xü̃gü i ngẽma nacümagügu maxẽxü̃. Rü ngẽmaca̱x nixĩ ya Cori ya perü Tupana i pepe̱xewa tá ínawoxü̃ãxü̃ i ngẽma nachixü̃anecüã̱xgü, erü nümagü rü ngẽma nacüma i chixexü̃gu nixĩ i namaxẽxü̃.

Rü ngẽxguma chi pema rü nagu perüxĩnüegu: “¿Rü ñuxãcü tá nüxü̃ icuáxü̃ nax tama Tupanaarü ore yixĩxü̃ i ngẽma nüxü̃ yaxuxü̃ i ngẽma orearü uruxü̃?” rü name nax nüxü̃ pecuáxü̃ rü ngẽxguma ngẽma ore i Tupanaégagu nüxü̃ yaxuxü̃ rü tama yanguxgu, rü ngẽmawa tá nüxü̃ pecua̱x nax tama Cori ya Tupanaarü ore yixĩxü̃, rü ngẽma orearü uruxü̃ rü norü ngúchaü̃mare nixu. Rü ngẽmaca̱x i pema rü tama name nax nüxü̃ pemuü̃exü̃.

Rü ngẽmaca̱x i pema, rü penaxwa̱xe nax nagu pexĩxü̃ i ngẽma Cori ya perü Tupana naxwa̱xexü̃.