Popular Bible Verses from Ngechuchuarü ngúexü̃gü ga yamugüxü̃arü puracüchiga 16

Share

Rü nümagü rü nanangãxü̃gü rü ñanagürügü nüxü̃: —¡Nüxü̃́ yaxõ ya Cori ya Ngechuchu, rü tá cuxü̃́ nangẽxma i maxü̃ i taguma gúxü̃ i cuma rü guxü̃ i cupatacüã̱x! —ñanagürügü.

Natürü ngãxü̃cüügu rü nayumüxẽgü ga Pauru rü Chíra, rü nawiyaegü rü Tupanaxü̃ nicua̱xüü̃gü. Rü yema togü ga poxcuexü̃ rü nüxü̃ naxĩnüe. Rü ngürüãchi poraãcü naxĩã̱xãchiane, rü naxĩã̱xãchitanü ga norü poxeguxü̃gü ga gumá poxcupataü̃. Rü yexgumatama niwãxnagü ga guxü̃ma ga norü ĩã̱xgü. Rü guxü̃ma ga yema poxcuexü̃arü cadénaparagü rü niwẽgü.

Rü yexguma ĩã̱xtüwa Pauruxü̃ rü Chíraxü̃ nagagü, rü ñanagürü nüxü̃: —Pa Corigüx, ¿Ta̱xacü tá chaxüxü̃ i choma nax choxü̃́ nangẽxmaxü̃ca̱x i maxü̃ i taguma gúxü̃? —ñanagürü.

Rü pewa naba̱i̱xãchi ga yema poxcupataü̃arü dauruxü̃. Rü yexguma nüxü̃ nada̱u̱xgu ga nax yawãxnagüxü̃ ga ĩã̱xgü ga gumá poxcupataü̃ rü nanayaxu ga norü tara nax nügü yamáxü̃ca̱x, yerü nüma nüxü̃ nacua̱xgu rü marü nibuxmü ga yema poxcuexü̃. Natürü tagaãcü aixta naxü ga Pauru, rü ñanagürü nüxü̃: —¡Taxṹ i cugü quimáxü̃! Rü guxãma i toma rü tanuxmagü —ñanagürü.