Popular Bible Verses from Norü taxre ga popera ga Coríntiuwa yexmagüxü̃ ga yaxõgüxü̃tanüwa namuxü̃ ga Pauru 4

Share

Rü tama ngẽma ñu̱xma nüxü̃ idauxü̃gu nixĩ itarüxĩnüexü̃, natürü nagu tarüxĩnüe i ngẽma ñu̱xma tama nüxü̃ idauxü̃. Erü ngẽma ñu̱xma nüxü̃ idauxü̃ rü tama natai, natürü ngẽma ñu̱xma tama nüxü̃ idauxü̃, rü guxü̃gutáma nangẽxmaecha.

Rü ngẽmaca̱x taguma nüxü̃ tarüxoe nax nüxü̃ tixuxü̃ i ngẽma ore. Rü woo yayachigügu rü yaturachigügu i toxone, natürü toõxẽwa rü guxü̃ i ngunexü̃gu rü yexeraãcü tiporaetanü. Erü ngẽma ngúxü̃ i ñu̱xma torü maxü̃wa tingexü̃, rü wüxi i paxaãchimare nixĩ rü paxa tá nangupetü. Natürü ngẽma ngúxü̃gagu rü tá tanayaxu i wüxi i maxü̃ i mexẽchixü̃ i tagutáma gúxü̃.

Rü guxü̃wama toxü̃́ nangẽxma i guxchaxü̃gü, natürü taguma nüxü̃ tarüchau i ñaa puracü. Rü woo poraãcü taxoegaãẽgügu, natürü taguma ítanange̱x i ñaa puracü. Rü woo towe ingẽxü̃tanügu i torü uanügü, natürü ya Tupana rü taguma toxü̃ ínawogü. Rü woo duü̃xü̃gü toxü̃ napíexẽẽgu, natürü tama tayue.

Rü ñu̱xma nax Ngechuchu ya Cristuxü̃ icuáxü̃, rü ngẽma cua̱x rü taxü̃ne i mairaxü̃naxca̱xwa nangẽxma, nax nangóxü̃ca̱x nax Tupanawa ne naxũxü̃ i ngẽma pora i tüxü̃́ ngẽxmaxü̃ rü tama i tawa.

Erü nümagü nax tama yaxõgüãxü̃, rü ñoma i naanearü ãẽ̱xgacü i Chataná nixĩ i nüxü̃́ naguxchaxẽẽxü̃ nax tama nüxü̃ nacua̱xgüxü̃ca̱x i Cristu ya Üünecüarü ore i ñoma omürüxü̃ poraãcü nangóonexẽẽxü̃. Rü Cristuwa nixĩ i nügü nawéxü̃ ya Tupana.

Erü nümatama ya Tupana ga noxri naane naxü̱xgux rü ẽanexü̃wa nanango̱xẽxẽ ga ngóonexü̃. Rü nümatama nixĩ i ñu̱xma i tüxü̃ yango̱xnaãẽxẽẽgüxü̃ nax ngẽmawa nüxü̃ icuáxü̃ca̱x nax nüma rü naxüünexü̃. Rü ngẽma norü üüne rü Ngechuchu ya Cristuchiwewa nixĩ i nangóxü̃.