Rü yemawena rü nüma ga Firitéugü rü Chaúarü ma̱xguxicatama narüxĩnüe. Rü yema würatanüxü̃ rü Chaúmaxã namexchinügü, rü poraãcü nanapi̱xẽẽgü. Rü yemaca̱x ga Chaú rü poraãcü namuü̃, rü norü poxü̃ruü̃xü̃ ñanagürü: —¡Curü taramaxã choxü̃ ima̱x naxü̃pa nax choxü̃ yayauxgüxü̃ rü ngúxü̃ choxü̃ yangexẽẽgüxü̃, rü choxü̃ yama̱xgüxü̃ i ñaa Firitéugü i tama Tupanaxü̃ cua̱xgüxü̃! —ñanagürü. Natürü nüma ga yema norü poxü̃ruxü̃ rü tama nayamáxchaü̃, yerü nüxü̃́ naxãũcüma. Rü yemaca̱x ga nüma ga Chaú rü norü tara nayaxu rü yemamagugu nügü naña rü yemaacü nitoxpetü rü nayu.
Rü yexguma yemaxü̃ nada̱u̱xgu ga yema norü poxü̃ruxü̃, rü nüma rü ta norü taramagugu nügü naña rü Chaúrüxü̃ yemaacü nayu.
