Popular Bible Verses from 1 Chamué 23

Share

Rü wüxi ga ngunexü̃gu, rü nüma ga Yonatáü̃ ga Chaú nane rü Órewa naxũ ga Dabí íyexmaxü̃wa. Rü nayataãẽxẽxẽ rü pora nüxna nayaxã nax yexera Tupanaaxü̃́ yaxõõxü̃ca̱x. Rü Dabíxü̃ ñanagürü: —Taxuca̱xma cumuü̃ erü chaunatü ya Chaú rü tagutáma cuxü̃ itayangau. Cuma rü tá Iraéanecüã̱xgüarü ãẽ̱xgacü quixĩ, rü choma rü tá cutüü̃wa chaxü. Rü ngẽma rü chaunatü ya Chaú rü marü nüxü̃ tacua̱x —ñanagürü.

Rü nüma ga Dabí rü yema chianexü̃ ga Chíxwa naxũ, rü yexma ma̱xpǘnearü ãxmaxü̃gügu norü duü̃xü̃gümaxã nicu̱xgü rü yéma nayexmagü. Rü nüma ga Chaú rü guxü̃ma ga ngunexü̃gu naxca̱x nadau, natürü ga Tupana rü Dabína nadau, rü yemaca̱x ga Chaú rü taguma nüxü̃ inayangau.