Popular Bible Verses from ROMA 8

Share

Ite namen uyo, bahwo Allah kulo kerjo lem kute sesuaktau utuk mbin kebaikan utuk tobo'o de mengasihi Si, adeba utuk tobo'o de nok-Ne sesuai ngen rencano Allah.

Sebab uku yakin, bahwo baik maut, atau idup, baik malaikat-malaikat, atau pemeriteak-pemeriteak, baik de ade uyo, atau de bakea teko, atau kuaso-kuaso, baik de neak das, atau neak beak, atau sesuaktau makhluk luyen, coa bakea dapet cem'ei ite kunei kasih Allah, de ade lem Kristus Yesus, Tuhan ite.

Awei o kulo Roh temulung ite lem kelemahan ite, sebab ite coa namen, awei ipe sebeneane harus bedu'o, tapi Roh su'ang bedu'o utuk ite ngen Allah, ngen keluhan-keluhan de coa tekadeak.

Sebab o jano de bakea ite nadeak tetang kutene o? Amen Allah neak pihak ite, api de bakea melawen ite?

Awei'oba uyo coa ade hukuman utuk tobo'o de ade neak lem Kristus Yesus.

Kerno kelok tabi'at manusio adeba maut, tapi kelok Roh Allah adeba idup ngen damoi sejahtera.

Tapi lem kutene o ite lebiak kunei tun-tun de menang, kerno Si de sudo mengasihi ite.

Sebab uku yakin, bahwo saro zaman uyo yo coa dapet nebanding ngen kemuliaan de bakea nelei ngen ite.

Api de bakea cem'ei ite kunei kasih Kristus? Penindasan, saro, sikso, nyemen, beleseng, bahayo, atau pedang?

Ngen Allah de semlidik atei nurani, namen maksud Roh o, adeba bahwo si, sesuai ngen kelok Allah, bedu'o utuk tun-tun sucai.

Kute tun, de nipin Roh Allah, adeba anok-anok Allah.

Sebab tobo'o de idup temurut tabi'at manusio, bogoa meker hal-hal kunei tabi'at manusio, tapi tobo'o de idup temurut Roh Allah, meker hal-hal kunei Roh Allah.

Si, de coa sayang ngen Anok-Ne su'ang, tapi de semreak-Ne utuk ite kute, awei ipe mukin Si coa melei karunio kute sesuaktau ngen ite besamo-samo ngen Si?

Roh o saksai besamo-samo ngen roh ite, bahwo ite adeba anok-anok Allah. Ngen amen ite adeba anok, mako ite kulo adeba ahli waris, maksudne tun-tun de temuan hok temimo janjai-janjai Allah, de bakea temimone besamo-samo ngen Kristus, adeba amen ite saro besamo-samo ngen Si, supayo ite kulo jijai mulio besamo-samo ngen Si.

Sebab kelok temurut tabi'at manusio adeba musuak teadep Allah, kerno si coa takhluk ngen hukum Allah, hal yo memang coa mukin bagiakne.

Sebab ngen kembiak indau kute makhluk mbot waktaune anok-anok Allah kenten.

Seba ite namen, bahwo sapei uyo kute makhluk samo-samo gerunyam ngen samo-samo meding gis waktau melaher.