Popular Bible Verses from WAHYU 8

Share

Ketiko Anok Bebirai o mukok segel de ketujuak, surgo jijai sunyai selamo kekiro tengeak jam.

Lajau malaikat de pertamo kembus trupetne ngen tejijaiba ujen es, ngen opoi capua daleak tu'un ngen de'esne moi bumai. Sepertelau bumai habis tekemben; awei'o kulo sepertelau kunei pun-pun ngen tiep dukut de ijo.

Lajau uku kemliak, mako uku temi'uk dikup burung rajowali de gidong tebang lekat neak udaro, menggang, “Celako! Celako! Celakoba kute tun neak bumai amen temi'uk ketelau malaikat luyenne kembus trupetne be!”

Lajau malaikat keduai kembus trupetne, ade sesuaktau awei tebo lai de menyala-nyala neluk moi lem laut. Sepertelau lautan bubeak jijai daleak

Sesudo'o malaikat ketelau kembus trupetne ngen usba kunei lenget debueak bitang lai, bernyala awei obor, lajau menimpa sepertelau kunei sungai-sungai ngen matai bioa. Gen bitang o adeba “Pet”. Mako sepertelau kunei bioa jijai pet, ngen mateiba dau tun kerno mbuk bioa de sudo jijai pet o.

Lajau malaikat kepat kembus trupetne. Mako tetepokba sepertelau kunei matai bilai, sepertelau kunei bulen, ngen sepertelau kunei bitang-bitang sehinggo nyepba sepertelau kunei kekuatan cahayo tobo'o. Kulo sepertelau kunei lueng coa te'ang ngen awei o kulo sepertelau kunei kelmen.