Popular Bible Verses from WAHYU 6

Share

Uku kemliak, lajau keten dikup kudo pucet. Gen de ngembinne adeba Maut ngen kerajaan maut notoane. Kuaso das seperapat kunei bumai yo senreak ngen tobo'o, supayo tobo'o dapet munuak liwet perang, liwet kelaparan, liwet wabah olon ngen liwet benatang-benatang buas.

Mako uku kemliak, lajau keten dikup kudo putiak. De ngembinne megong debueak anok panah, ngen si nelei debueak mahkota. Si majo sebagai su'ang pemenang de lalau mbut kemenangan.

Sesudo'o Anok Bebirai o mukok segel de kelemo. Uku kemliak neak beak mezbah ade roh-roh tun-tun matei nunuak kerno tobo'o kemuet firman Allah liwet saksai tobo'o.

Tobo'o menggang ngen sa'ei de lek, “Ya Tuhan De Mahokuaso, de sucai ngen benea! Kedau an igai Ko mukum tun neak bumai ngen mukum tobo'o kerno bi munuak keme?” Masing-masing tobo'o nelei delambea jubah putiak. Lajau tobo'o neluak istirahat tegoa igai, sapei bi lekap kute jumlah kekuat seperjuangan ngen saudaro-saudaro tobo'o de bakea nunuak awei tobo'o.

Lajau dikup kudo de luyen keluea igai, kudo o mileak warnone. De ngembinne nelei kuaso utuk nyep keadaan damoi kunei bumai, supayo manusio saling munuak. Mako si nelei debueak pedang de lai.

Bilai lai bi sapei, uyo tobo'o mengiak, coa suang kulo dapet taen teadep tobo'o!”

Lajau uku kemliak Anok Bebirai o mukok segel de kenum. Tejijaiba gepo lai, matai bilai jijai meleu awei kain meleu de kasar, ngen bulen jijai mileak awei daleak. Bitang-bitang neak lenget us moi bumai awei bueak ara de ati mesok gugua kunei punne waktau kembus ibut lai.

Lajau Anok Bebirai o mukok segel de ketelau. Ngen uku temi'uk makhluk de ketelau madeak, “Maro!” Uku kemliak, mako keten dikup kudo meleu. De ngembinne megong timbangan neak tangenne. Ngen uku temi'uk awei ade sa'ei neak tengeak-tengeak kepat makhluk o madeak, “Deliter gendum de baik gone serai ngen upeak debilai, ngen telau liter gendum jenis luyen gone kulo serai ngen upeak debilai. Tapi jibeak musak pun-pun zaitun ngen anggur!”

Lenget nyep awei kertas genulung, kute tebo ngen pulau geneser kunei penanne. Lajau rajo-rajo dunio, tobo pembesar, panglima-panglima, tun-tun kayo, penguaso, ngen tun-tun luyenne, baik hamba atau tun bebas, kutene sebunyin neak lem gua-gua ngen neak celah-celah butau tebo.