Popular Bible Verses from WAHYU 3

Share

Keliak! Uku je neak adep bang ngen kemtuk bang. Amen ade tun de temi'uk suaro-Ku, ngen mukok bang, Uku bakea masuk magea si; Uku bakea mukmei besamo-samo si ngen si mukmei besamo-samo Uku.

Uku namen jano de udi nea; Uku namen udi coa sengok ngen coa kulo panes. Seharusne udi o sengok atau panes! Tapi udi antaro panes ngen sengok; panes coa, sengok kulo coa. Do'o sebabne udi bakea Uku muntahkan kunei bibia-Ku

Tun-tun de uku kasihi, tobo'oba de Uku tema'ok ngen Uku cambuk. Kerno o lokba udi semangat, ngen tobatba kunei duso-dusonu.

Uku namen jano de udi nea. Uku namen bahwo udi coa kuet; udi bi temotoa ajaran-Ku, setia ngen Uku. Utuk udi bi Uku mukok bang, de coa dapet nukok api bae.

Tobo'o de menang, bakea Uku melei izin temot neak takhta-Ku besamo Uku, serai awei Uku suang bi menang ngen uyo temot besamo Bapa-Ku neak takhta-Ne.

Udi madeak, ‘Keme kayo ngen serbo ade; keme coa kekurangan.’ Tapi udi coa namen bahwo udi kembiak peset ngen kembiak ibo keadaannu! Udi peset, beleseng, ngen sutai.

Kerno udi bi kemerjo periteak-Ku supayo tekun, Uku kulo bakea jemago udi kunei bilai pencobaan de bakea teko moi kute dunio. Hal o bakea tejijai utuk cemubo kute tun neak bumai.

Uku segro teko! Jagoba baik-baik jano de udi temuan, supayo coa suang kulo mok hadiah kemenangannu.

Sebab o, kelongonba, kenuetba jano de masiak ade ngen udi ayok do'o matei samo sekilai. Sebab uku dapet bahwo jano de udi nea, ati ade do kulo de sempurno neak adep Allah.