Popular Bible Verses from WAHYU 11

Share

Lajau malaikat ketujuak kembus trupetne, mako neak surgo teni'uk sa'ei-sa'ei kembiak lek de madeak, “Kuaso utuk meriteak dunio uyo ade neak tangen Tuhan ite ngen Rajo Penyelamat de jenanjai-Ne. Si bakea meriteak utuk selamo-lamone!”

Tun-tun de coa kemnal Tuhan, ngamuk sebab bi waktaune Ko mengiak, ngen bi waktaune Ko mukum tun-tun matei. Dioba waktaune utuk melei upeak ngen hamba-hamba-Nu, tobo nebai, ngen kute umat-Nu, adeba kute tun de semyang ngen Ko, lai atau titik. Dioba waktaune utuk majua tun-tun de majua bumai!”

Uku bakea mutus duai tun saksai-Ku de makei keracok bekabung, ngen tobo'o bakea melei namen bito Allah selamo 1260 bilai.”

Sesudo telau setengeak bilai, tekoba napas idup kunei Allah ngen masuk igai moi lem keduai tun nebai o. Tobo'o kulo kelongon je, sehinggo kute tun de kemliak tobo'o jijai saben sekilai.

Tobo'o temuan kuaso utuk temutup lenget supayo jibeak tu'un ujen selamo tobo'o melei namen bito kunei Allah. Tobo'o temuan kulo kuaso das kute matai bioa, utuk mubeak bioa jijai daleak. Ngen tobo'o temuan kulo kuaso utuk mokoa bumai ngen kute mecem bencano, tengen bae tobo'o lok meneane.

Duai saksai o adeba duai pun zaitun ngen duai bueak kekea lapu de ade neak adep Tuhan semesta alam. Amen tun cemubo menea sesuaktau de coa baik tehadep tobo'o, mako kunei bibia tobo'o kelueaba opoi de benaso musuak-musuakne. Ngen ca'o awei yo, kute tun de lok megis tobo'o bakea nunuak.