Popular Bible Verses from YOHANES 19

Share

Sesudo Yesus menem anggur pi'iak'o madeakba Si, “Sudo selsei.” Lajau Si temunduk ulau-Ne ngen semreak nyabai-Ne.

Sesudo'o, kerno Yesus namen bahwo kute sesuaktau bi selsei, madeakba Si – supayo tejijai de tenulis lem Kiteb Sucai –: “Uku aus!”

Waktau Yesus kemliak indok-Ne ngen penotoa-Ne de kemasiak-Ne neak depeakne, madeakba Si ngen indok-Ne, “Indok, dioba, anoknu!” Sesudo'o nadeak-Ne ngen penotoa-Ne, “Dioba indoknu!” Waktau o kulo penotoa o temimo si neak lem umeakne.

Tapi waktau tobo'o sapei ngen Yesus ngen kemliak bahwo Si bi matei, tobo'o coa matiak kekea-Ne. Tapi suang kunei antaro prajurit o temikem lambung-Ne ngen tumbok, segro ngeluea daleak ngen bioa.

Sebab hal o tejijai, supayo tejijai de tenulis lem Kiteb Sucai, “Coa ade telan-Ne de bakea patiak.” Ade kulo ayat de luyen madeak, “Tobo'o bakea kemliak de sudo tobo'o tikem.”

Samo mikoa salib-Ne Si lalau moi luea neak penan de genne “Penan Tengkorak”. (Lem bahaso Ibrani: Golgota.)

Prajurit-prajurit menea do Mahkota tebok ngen mpekne neak das ulau Yesus. Tobo'o mpek jubah ungu ngen Si.