Popular Bible Verses from IBRANI 10

Share

Lokba ite tep kopoa besamo-samo, jibeakba laloi awei tun luyen. Ite justru harus lebiak setia samo-samo melei kekuatan, sebab ite namen bahwo coa an igai Tuhan bakea teko.

Ngen lokba ite samo melei perhatian, supayo ite dapet samo melei dorongan utuk mengasihi sesamo ngen menea hal-hal de baik.

Lokba ite bepegong teguh ngen harapan de ite pecayo, sebab Allah dapet cenayo ngen Si bakea tempat janjai-Ne.

Udi perlu sabar, supayo udi dapet menea kelok Allah ngen awei o temimo jano de jenanjai-Ne.

Kerno o, maroba ite ma'ok Allah ngen atei tulus ngen imen de kuet; ngen atei de sudo senucai kunei asai saleak, ngen awok de sudo senucai ngen bioa de sucai.

Kerno o, jibeakba putus asa, sebab amen udi tep pecayo, mako ade upeak de lai utuk do'o!

Sebab amen bito de benea kunei Allah bi senapei ngen ite, tapi ite trus bae sengajo menea duso, mako coa ade igai kurban utuk mapus duso ite. Dodone de ade utuk ite adeba madep pengadilan Allah ngen opoi de kembiak lai de bakea mbem kute tun-tun de melawen Si!