Popular Bible Verses from 2 TESALONIKA 2

Share

Awei ipe kulo, jibeak munyau tun mike udi. Sebab ayok sapei Bilai o, harusba tejijai hal yo lebiak dute: Dau tun bakea murtad, mengingkari Kristus; ngen Manusio Jahat de takdirne utuk masuk moi nerako, bakea kemten dirai.

Saudaro-saudaro de Tuhan kasihi! Keme harus bogoa mucep syukur ngen Allah tetang udi, sebab kunei mulone Allah bi miliak udi utuk senlamat lem Roh de semucai udi ngen lem kebenaran de udi pecayo.

Ngen ombong si bakea melawen ngen melekat dirai neak das kute de senbeak manusio, atau kute ilah de nanggap Allah ngen manusio. Bahkan si bakea temot neak lem Bait Allah ngen melei namen bahwo si adeba Allah.

Semoga Tuhan ite Yesus Kristus suang, ngen Allah Bapa ite mibur ngen kemuet ateinu, supayo udi dapet menea ngen melei namen jano de baik. Sebab Allah mengasihi ite, ngen kerno atei-Ne baik Si menea ite tep tabah, serto ma'ep de baik.

Do'oba sebabne Allah mbin kesesatan das tobo'o, de jijai sebab tobo'o pecayo ngen jano de benea.

Manusio Jahat o bakea teko ngen kuaso de lai kunei Iblis. Si bakea menea kute mecem keajaiban ngen hal-hal luea biaso de penuak ngen pike. Si bakea makei ca'o kidek utuk sesat tun-tun de bakea binaso. Tobo'o bakea binaso sebab temulok ngen coa senang bito de benea kunei Allah de dapet semlamat tobo'o.

Kekuatan de menea kejahatan o bi muloi bekerjo seca'o resio, tapi masiak tenaen. Be amen de tenaene o bi senikia