Popular Bible Verses from 2 KORINTUS 1

Share

Tepujaiba Allah, Bapa Tuhan te Yesus Kristus, Bapa de penuak kemurahan ngen Allah sumber kute penghiburan. Si mibur keme lem kute derito keme, sehinggo keme sanggup mibur tobo'o de ade lem memecem derito.

Derito-derito de nding Kristus bi dau keme meding kulo. Ngen liwet Kristus kulo, batin keme kebiak kuet.

Keme meding, awei keme bi nukum matei. Tapi hal o tejijai, supayo keme jibeak pecayo ngen dirai keme suang, tapi cuma ngen Allah de midup igai tun matei.

Allah suangba de menea keme ngen Saudaro jijai do ngen Kristus; Siba kulo de miliak ite cuma utuk dirai-Ne. Utuk o Allah sudo menea ite jijai de Allah temuan ngen melei Roh-Ne neak lem ateite sebagoi jaminan bahwo Si bakea melei ngen ite kute de jenanjai-Ne.

Amen keme menderito, do'o adeba utuk kemuet batinnu, utuk keselamatannu. Amen batin keme kenuet, mako udi kulo kuet, sehinggo udi jijai sabar lem derito-derito awei de keme meding kulo.