Popular Bible Verses from 1 YOHANES 2

Share

Jibeakba cito dunio yo, atau jano bae de ade neak lem dunio yo. Amen udi cito dunio, udi coa cito ngen Bapa. Kute de ade neak lem dunio yo – adeba kelok tabi'at manusio de beduso, de kenliak lajau kenlokne ngen jijai ombong – kutene adeba hal-hal de asalne iso kunei Bapa, tapi kunei dunio.

Dunio ngen kute de ade neak lemne ngen kenlok manusio, gidong nyep. Tapi tun de temotoa kelok Allah, tep idup sapei selamo-lamone.

Api de madeak bahwo si idup jijai do ngen Allah, si harus idup serai awei Kristus bi idup.

Anok-anokku! Uku temulis dio ngen udi supayo udi jibeak menea duso. Tapi amen ade de menea duso, mako ite temuan suang pembela, adeba Yesus Kristus de adea o; Si bakea minoi nien utuk ite neak adep Bapa.

Tun de madeak, “Uku kemnal Allah,” tapi coa taat ngen periteak-periteak-Ne, tun o tukang mike, ngen Allah coa ade neak lem ateine.

Amen ite taat ngen periteak-periteak Allah, do'o tandone bahwo ite kemnal Allah.

Tun de madeak bahwo si ade neak lem te'ang tapi tun o masiak jengik ngen saudarone, tun o masiak ade neak lem kelem sapei uyo.

De berdusta adeba tun de madeak bahwo Yesus iso Rajo Penyelamat de jenanjai Allah. Tun o musuak Kristus; si coa makau Bapa atau Anok.

Tun de coa makau Anok, taine coa temimo Bapa kulo. Tun de makau Anok, taine temimo Bapa kulo.