Popular Bible Verses from LIKUNULA 3

Share

Henza, singiyi ha kiliango nzigulihizaa. Umundu woosi naava naahulira mwoyo gwange nukunzigulira kiliango, ndingira munyumba yeeye, nduuki kulia harara naye kandi naye alie harara ninzi.

Manyi miyinzi jijo. Sioveeye muziliru anoho muhiu mba. O! Vwakaveeye vulahi ulavamuziliru anoho umuhiu! Navuzwa kigira oveeye ichiiya, na sioveeye umuhiu anoho umuziliru, ndakutuza utuli mu munwa gwange.

Mundu wa inzi nyanza, mugondokeraa nu kumuha amageri. Ove nu vugulu nu kwiganira utuli muvwoni vuvwo.

Manyi imiyinzi jijo. Henza, mali kuviika ikiliango ichalamu imbiri woovo, kandi sihaveeye ho nu unyala kukihaana mba. Manyi ndi oveeye ni zinguru zingekeke, na walonda likuva liange, kandi si wayambakana lieta liange mba.

Yavo avaguutaa, ndavaha uvunyali vwu kwikala ahimbi ninzi mu endeve yange yu vwami, kuli inzi ndaguuta, nu kwikala harara na Baba mu endeve yeeye yu vwami.

Ivi ovola, ‘Inzi mbeeye umutugi, kandi simbeeye ni lienya kindu.’ Navuzwa siumanyi kuli oveeye novovereri! Oveeye mudaka, umboku, kandi chahonyo!

Kigira walinda lilaga liange nuwikuzira ndakulinda mu ing'inga yo kogerizwa yiza ku lirova liosi kogeriza yavo avamenyaa mulio.

Nziza vwangu. Ugumiri vudinyu icha oveeye nacho. Atava ho nu mulala uhiraa itaji yooyo yi liguuta.

Kunangwa, vuka udinyirizi ivindu ivitigaye nivikikiri kukuza: kigira sindora imiyinzi jijo nijiveeye midukiru imbiri wa Nyasaye wange mba.