Popular Bible Verses from LIKUNULA 13

Share

Yaaha niho ahenyekaa have no vogeri. Oveeye ni limanya anyala kokora livaliza lie kivuni chi inamba yi king'ang'a kigira inamba zana isingiraa mu ovogono vwi lieta liu mundu. Inamba yeyo ni 666.

Avandu vosi avamenyaa mu lirova valakisigamira, nivatali avamita gaavo gang'odwa mu kitabu chi livamwoyo chu Mwana wi Ligondi witwa; kutura lirova nilikikiri kolombwa.

King'ang'a zana chaaniga avandu vosi, avakeekeke na vanene, avatugi na vadaka, avatugwa na vavoholore, vahevwe chukumanyirwa ku mukono mulungi, anoho kuvweni vwavo. Sihaveeye nu mundu kali mulala unyala kugura kindu anoho kugulizira wundi kindu nataveeye uyu oveeye ni chukumanyirwa, ku nacho ni lieta lie king'ang'a yiki, anoho inamba yi lieta liacho.

Mundu wenyaa kugumirwa, alagumirwa. Mundu wenyaa kwitwa nikivavi kuduuka yitwi ni kivavi. Yili nililangwa liu kwikuzira kandi liu kusuuvira kolovega lwa vandu va Nyasaye.

Ndaalora iking'ang'a nikizaa kutura munyanza. King'ang'a yicho chaali ni zinziga likomi; kandi imitwi saba. Ku vuli lwiga lwayo, kwaali ni itaji, kandi ku vuli umutwi gwayo, kwaali ni lieta lio konyega Nyasaye.

Yahevwa kandi umunwa kulwaana na vandu va Nyasaye, nu kuvaguuta. Chahevwa uvunyali ku zihiiri ziosi, ku avandu vosi, nuku zinimi ziosi.

Chagaada avandu vosi avamenyaa mu lirova kuvitira ku vilolekizu viachavugilirwa kokora imbiri wi king'ang'a chu kutanga. Iking'ang'a yicho chavoolera avandu vakelombere ikifananyi kuhaana luyali ku king'ang'a chaali ni zimbala zie kivavi iziali zinyala kuchita navuzwa si chaakuza mba. Nyasaye yaakivugilira kuviika umwika gwi livamwoyo mu kifananyi chi king'ang'a chu kutanga kuduuka kemolome, nu kwita yavo vosi avatasigamiraa kifananyi chi king'ang'a yiki.

Inyama ya ndaalora zana yaali engo. Ivirenge viayo viali kuli vie liaga, kandi umunwa gwayo gwaali kuli munwa gwi simba. Ogoyoka zana yigwo gwaaha king'ang'a zana zinguru ziagwo, endeve yagwo yu uvwami kandi uvunyali vwagwo vonene kuvita kegero.

King'ang'a zana chavugilirwa komoloma amakuva gu kwigingira nu kuchaya kandi konyega Nyasaye. Nyasaye yaavugilira king'ang'a zana kuva nu vunyali ku mieli arubaini na mbiri.

Mulala ku mitwi jiking'ang'a yicho gwaali ku nimbala iyaali yi ingwagu inyala kuva indamanu ligali, navuzwa ingwagu zana yaali ni yahona. Avandu vosi vu mu lirova vagenya ligali kigira king'ang'a yicho kandi nivakelonda.

Ndaalora kandi iking'ang'a kindi nikizaa kutura mu lirova. King'ang'a zana chaali ni zinziga ziviri kuli zie kememe chi ligondi, kandi chamoloma kuli enzoka. Chaatumikira uvunyali vwosi kutura ku king'ang'a chukutanga ichaali nikeveeye ho. Chaaniga lirova liosi na yavo vosi avaamenyaa mu vasigamiri king'ang'a chukutanga ichaali nimbara yingwaagu yahona.