Popular Bible Verses from VAFILIPI 2

Share

Mutakola kindu kali kilala kuturana ni liegomba lie vindu vie kivala anoho iliekonya lia vuzwa mba, navuzwa muve ni liegehiza aveene naveene. Vuli kazozo, muganagane avandi kuva avalahi kuvita munyi. Umundu sa mulala atahenza amakuva geege umwene mba, navuzwa aheenze lienya lia vandi.

Muve ni liiva lilala liere ilia Kristo Yeso yaali nalio

Yaali ni liiva lia Nyasaye vuli kazozo, navuzwa siyaganagana agerizi kutumikira zinguru kweleng'anyia na Nyasaye mba. Mu vogono yivwo, yihaana, naleka viosi via yaaha navio ma navugura liiva liu umutumikiri. Yekola kuli umundu wa kazozo kandi naaloleka mu liiva liu mundu. Yaali mwegehizi kandi nagenda mu liiva liu kutia kuduuka mu likuza likuza lilie ku musalaba.

Nyasaye akolaa imiyinzi mu munyi kazozo kumukola muduuki kuvugilira kandi kuhulira uvulariri vwivwe umwene.

Kulwa yaga, Nyasaye yamunenehiza kuduuka higulu ligali na yamuha lieta iliveeye linene kuvita agandi goosi. Kandi ndio, mu lihaana luyali ku lieta lia Yeso, ivilombe viosi mwigulu, ku lirova, nu mu lirova musi valagwa ku amalu gaavo, kandi vandu vosi valalaandiza havulavu ndi Yeso Kristo nu Mwami, kigira uvukumi vwa Nyasaye oveeye Baba.

Mukore ivindu viosi vugira liegana anoho amahangari, kunangwa muduuki kuva avataveeye nimbara, kandi avasereze kuli avana avadukiru va Nyasaye, avamenyaa mu kivala cha avandu avagoyanu kandi avoni. Kuduuka mung'ereng'ane hagati haavo kuli zing'ereng'ani mwigulu

Kunangwa, avalina vange vayanze, kuli mwahulira kutura ku inzi lwa ndaali nimunyi kazozo, kuduuka muhuliri kandi kalunu lwambeeye ihale kutura ku munyi. Muzizagiliri kuyinzira nu vuti kandi ni lidegera kunangwa muduukizi ovohonyi vwinyu