Popular Bible Verses from LIVALIZA 14

Share

Mutahing'ana na Yahova mba, kandi mutatia vandu vamenyi mu kivala yiki mba. Kulavaguuta ligali. Yahova aveeye harara ni kunyi kandi amali kuguuta avanyasaye vaavo avavakingaa. Kunangwa mutatia mba.”

‘Inzi Yahova mbeeye wa galaha ku vutima: Manyia uvuyanzi vonene kandi vusuuvirifu vutaveeye ne keheri, kandi samiiha uvwoni kandi samiiha yavo vibaara. Navuzwa ndahaana mageri ku vana kandi aviisukulu kuduuka ku likula lia kavaga ni lia kane kigira uvwoni vwa vaguuga vaavo.’

Niiva kulayaanziza Yahova alakuhila wene yeyo, alahaana kivala yiki ku kunyi, ekeveeye kigunamu kandi kenoru.

Navuzwa mutumikiri wange Kalebu kigira aveeye ni liiva lugano kandi aveeye musuuvirifu ku inzi, ndamuleeta mu kivala chamali kuzia mu nu kutunyiriza, kandi visukululwi vivie vilavugula kivala yiki.

Kalunu uvavoolere, ‘Nzisuha ndi, ligali kuli inzi mbeeye omenya, ndakokolera kuli umali koteeva. Inzi Yahova mali kovora.

Yahova yavolera Musa, “Avandu yava valasura kuduuka ing'inga ki? Valavula kusuvira kuduuka ing'inga ki, kali niiva mali kokora vilolekizu vinyingi hagati haavo?

Vililira ku Musa na Haruni nivavoora, “Vwali vove vulahi kunyi kukuzira mu Egebeti noho kukuzira hano mwigendinyama!

Joshua muyaayi wa Nuni na Kalebu muyaayi wa Jefune, avaari valala ku vatunyirizi, vatandula zinguvu ziavo mu vovereri. Vavoolera avandu, “Kivala cha kwazia mu kutunyiriza keveeye kilahi ligali.

Navuzwa ndagaa ndi, ligali kuli inzi mbeeye Yahova omenya, kandi ligali kuli uvukumi vwange vwizuyi mu lirova liosi, siaveeyeho mundu kali mulala ku vandu yava uliduuka mu kivala yiki mba. Vamali kolola uvukumi vwange kandi vilolekizu viange via ndaakola mu Egebeti kandi mu changalangwi, navuzwa vamali kogeliza liekuzira liange haali kanyingi kandi vasuyi kumbulira. Si valaduuka mu kivala cha ndisuuhira avaguuga vaavo mba. Siaveeye ho kali mulala ku vandu vamali kusuura yava uliduuka mu kivala yiki mba.