Popular Bible Verses from JOSHUA 1

Share

Wizulizi ndi inzi mali kukulaga ove mugulu kandi muluviliri! Utatia kandi utakuza mwoyo mba, kigira Inzi, Yahova Nyasaye woovo, mbeeye harara nivi hoosi aha uzia.”

Olole ndi kitabu chi Lilaga yiki kesomwaa kazozo mu lisigamira liilio. Okesome mbasu nuvudiku, kandi olole ndi olondaa nukugumira vindu viosi iviang'odwa mucho. Maku yaho ulava nilizizagilira imbiri ligali kandi ulagasizwa.

Ove vuzwa mugulu, ove muluviliri; kandi olole ndi uhuliraa nu kugumira lilaga liosi liu mutumikiri wange Musa yahaana ku ivi. Utaleka kedonye choosi chalio mba, na ivi ulaguuta vulahi hoosi aha uzia.

Joshua, mundu kali mulala sialakakuguuti mu livamwoyo liilio liosi mba. Ndava harara niivi kuli ndaali na Musa. Ndava niivi kazozo; sindakoleka kali hakuzu mba.

Ove mugulu kandi muluviliri, kigira ivi ulava mwimiliri wa vandu yava lwa vava nivavugura kivala yiki icha ndasuuviriza avaguuga vaavo ndi ndavaha.

Kuli ndasuuviriza Musa, mali kuha ana ku ivi harara na avandu vange vosi ikivala choosi ichamuzizanga koseena mu.

Yavoola, “Mutumikiri wange Musa ukuzi Ivi harara na avandu vosi va Isiraeli, mwetegeke kalunu, mwambuki mugera gwa Jorodani nukwingira mu kivala cha muheezaa.

Inyima wi likuza lia Musa, umutumikiri wa Yahova, Yahova yamoloma ku Joshua, muyaayi wa Nuni mukonyeleri wa Musa.

Zinzako zienyu zilatula ku changalangwe mu lovega lwi Isavaalu kuduuka ku vigulu via Lebanoni mu lovega lwa Ivaale; kutura ku mugera munene gwa Efurate mu lovega lwi Ivugwi, kuvitira mu kivala cha vandu Vahiti, kuduuka kunyanza ya Meditareniani mu lovega lwi imadioli.

Mundu woosi mundu uhing'ana nuvunyari vuvwo kandi uvula kuhulira lilala ku malago aga uhaana, aliitwa. Ove mugulu kandi muluviliri!”

vazie kuvitira hagati mu hokososa hoosi na vavoolere avandu, “Mwetegikizi chukulia, kigira mu madiku gavaga muzizaa kwambuka mugera gwa Jorodani kwidikira mu kivala cha Yahova Nyasaye winyu amuhezaa.”