Popular Bible Verses from YAKOBO 3

Share

Navuzwa ovogeri vuturaa igulu, voveeye vulahi mulitanga ku viosi; voveeye vwi mirembe kandi, vwovohocha, kandi vwu vulina; vwokoleeta avandi ahimbi, vwizuyi zimbavasi na kandi vwama amakuyu gi vikolwa vilahi; uvutaveeye ni lieriza kandi uvugadi.

Nivwaha oveeye umugeri nuwilimanya hagati hinyu? Gamudukira avumanyie havulavu mu liiva lilie lilahi, kandi ivikolwa vivie ivilahi ivikolwa mu liegehiza no vogeri.

Ligesa lia amakuyu gu vulungi limizwa mu mirembe na yavo avayaanzaa koleta mirembe.

Ahembodoka nu vwimani viveeye, hazana yaho haveeye ni ikivihiri kandi ni zing'ano ziosi ziu vudamanu.

Kulutumikiraa kusandiza Mwami wiitu kandi Baba, kandi kulutumikiraa kulaama vandu vandi valombwa mu lifwana lia Nyasaye. Amakuva gu kuhaana lisandiza kandi gu kulaama gaturaa mu munwa mulala mwere. Avaamitu vange, sivoveeye vulahi ivindu yivi viekoleke ndio mba!

Kandi ululimi loveeye kuli umuliru. Loveeye kivala chu vudamanu niloveeye kilala ku vivero vietu viu muviri. Lokolaa liiva liu mundu kuva lidamanu. Luviikaa livamwoyo lilie liosi mu umuliru gutulaa mu gehena.

Navuzwa sihaveeye ho nu umundu kali mulala unyala kutuga ululimi mba. Loveeye ludamanu kandi ulutanyala kulindwa mba. Lwizuyi uvusungu vululu.

Avaamitu vange, vanyingi kumunyi mutava avigizi mba. Kuli mumanyi vulahi ndi kunyi avigizi kulakanyoola likalagirwa linene kuvita avandi.