Popular Bible Verses from VAGALATIA 6

Share

Kunangwa kunyi kutaluha ku likora uvulahi mba, kigira kulavuna mu zing'inga ndahi, kulakagese niiva si kukuza mioyo mba.

Kunangwa ing'inga yakoveeye nu vwiyangu, kuduuka kokole uvulahi ku avandu vosi, mbitilira ku yavo avaveeye avinyumba yitu mu lisuuvira.

Mukonyane kuginga uvulitu vwa vuli mulala nu wache, na munzira yiyi muladuukiza lilago lia Kristo.

Mutagadwa mba, Nyasaye sianyala kokolelwa kehenyahenye mba. Ichu mundu atagaa, nicho cha agesaa.

Niiva mundu alataaga mu mulimi ku liegomba lio muviri gwigwe mwene, alagesa ligesa lie likuza. Navuzwa niiva atagaa mu mulimi gwa Roho, kutura ku Roho, alagesa livamwoyo litahera mba.

Avaamitu vange, niiva mundu woosi yanyooleki nakora vwoni munyi avaveeye mu Roho gavadukiraa mumukonye vulungi mu vohoma. Navuzwa mwilindi aveene gase na munyi mulagerizwa kandi.

Kigira niiva mundu ku vosi yiganagana aveeye kindu ing'inga ya ataveeye kindu, yigadaa mwene. Navuzwa vuli mundu gamudukira agerizi miyinzi jije mwene, ahene yaho alava ni liekonya mwene, vugira kwifananyia ku wundi. Mundu sa mulala alagiinga musigo gwigwe mwene.