Popular Bible Verses from KUTURA 9

Share

Navuzwa kukumanyia zinguru ziange inzi mali koleka ivi ove mwoyo, kunangwa lusuma lwange luduuki kulanda mu lirova liosi.

Yahova yavolera Musa, “Zia ku Mwami umuvolere ndi Yahova, Nyasaye wa Vaheburaina, avoora, ‘Leka avandu vange vazie, kunangwa vaduuki kusigamira.

Ndava nindanyiira mukono gwange kuduya ivi harara na avandu vovo nu vulwaye vudamanu, ngano mwadivizwa ligali.

ndakuha amageri ku lileeta vulwaye vwu kutihiza ku mitugu jijo josi ku zibarasi, zibunda, zing'amia, zing'ombe, magondi kandi ku zimburi. Ndaviika ho liavukanyia hagati hi mitugu ja vandu va Isiraeli ni ja vandu va Egebeti, nu umutugu gwosi gwa avandu va Isiraeli sigulakuza mba.

Mugamba ing'inga kuli yinu inzi ndakubiza imbura enene ya magina, ikikiri kuva ku ho mu Egebeti kali lidiku lindi kutura lilombwa lie kivala. Kalunu uhaane amalago kumitugu jijo ni vindu viosi via oveeye navio iviveeye mumilimi, vingilizwi mu zinyumba. Amagina gimbula galakuba ku avandu nukumitugu jiliva nijilekeywe vugira kukingwa, na viosi vilakuza.’ ”

Nalio lilasalika kuli uluguuki ku kivala choosi cha Egebeti; na havundu hoosi haligwa lilaleeta amavimba agagirung'ana kugwa zingwagu ku vandu kandi kumitugu.” Navo vaavugura ligoke nivasingira nalio imbiri wu Mwami, Musa yaaliuha mwigulu, nalialeta amavimba agagirung'ana nigagwa zingwagu ku avandu kandi ku mitugu.