Popular Bible Verses from LIZULIZA 28

Share

“Niiva mulahulira ligali mwoyo gwa Yahova Nyasaye winyu, nukulinda nu vusuuvirifu malago geege aga muheezaa kalunu, Yahova alamuginga higulu muve ihiiri enene ligali kuvita zihiiri zindi ziosi ku lirova.

Muhuliri Yahova Nyasaye winyu nuvugasu yivu vwosi vulava vwinyu.

Yahova Nyasaye winyu alamukola aviimiliri hagati hi zihiiri na simulava valondi vaavo mba. Mulava nilizizagilira imbiri kazozo, na simulava nu vudaka niiva mulamuhulira nu vusuuvirifu amalago geege goosi aga muheezaa kalunu.

Alakubiza imbura mu zing'inga ziayo kutura mwigulu na agasizaa miyinzi jije josi, kunangwa mwegobizi zihiiri zinyingi, navuzwa munyi simulasava kutura kuvo mba.

“Yahova alaguuta avasigu vovo lwa vakwingilira kutura lovega lulala, navuzwa viiruki kutura mu zimbega saba.

“Yahova Nyasaye woovo alagasiza miyinzi ja makono googo kandi aliizuliza videera vivio nu vuswage. Alakugasiza mu kivala chakohezaa.

“Ulagasizwa lwa wingira, kandi ulagasizwa lwa utura.

“Yahova alagasiza madaala ginyu goosi kandi milimi jinyu josi.

“Yahova alamugasiza na avana vanyingi, niviamo vinyingi kandi ni mitugu je zing'ombe na magondi manyingi.

“Niiva mulahulira Yahova Nyasaye winyu na mukore vindu viosi via amulagaa alamukola muve avandu veve vatakatifu kuli yamusuuviriza.

“Yahova alagasiza vuswage vwinyu kandi alagasiza viukulia vienyu viosi.

Yahova alamuha avana vanyingi, zing'ombe zinyingi, ni viamo vinyingi mu kivala cha Yahova Nyasaye winyu yasuuviriza kuhaana ku avaguuga vinyu.

Maku avandu vosi vukulirova valalola ndi Yahova umali kumutovola muve vandu aveeve, kandi valamutia ligali.

Navuzwa sigamuduukira muvuli kugalonda munzira yoosi, anoho musigamiri kandi mutumikiri avanyasaye vandi mba.

“Navuzwa niiva uvuli kuhulira mwoyo gwa Yahova Nyasaye woovo kandi uvula kuhulira nu vusuuvirifu malago geege goosi nokokola miima jije josi ja inzi mali kumuha lidiku lia kalunu, ahene yaho vilaamo vidamanu yivi viosi vilamugwira.