Popular Bible Verses from 2 VAKORINZO 1

Share

Gendi kuhaane lizominywa ku Nyasaye Baba wu Mwami wiitu Yeso Kristo, Baba wi zimbavasi kandi Nyasaye wo vokonyi vwosi. Oyo niyie okonyaa kunyi mu vudinyu vwitu vwosi, kunangwa na kunyi kuduuki kuva avanyala kokoonya avandi vaveeye nu vudinyu vwi zing'ano ziosi ni kutumikiraa vokonyi vulala vwere vwa kunyi kumali konyoora kutura ku Nyasaye.

Yee, kuli kusangaa muvusaliri vunyingi vwa Kristo, kandi ndio, kuvitira mu Kristo, kusangaa mu vokonyi vonene vwa Nyasaye.

Kunyi kwalola mu mioyo jietu kuli koveeye avandu vakalagiywi likuza. Navuzwa yaga gekoleka kunangwa kunyi kuvuli koyeeka ku zing'anagani zie liiva lietu, navuzwa kweleede ku Nyasaye yenyine usimugukizaa vakuzu.

Ni Nyasaye mwene okolaa kunyi harara ni munyi kusingira vudinyu mu lihambanywa harara na Kristo; ni Nyasaye mwene wakuviika halovega ukuvakaa maguta; uyu niyie umali kuviika kimanyiru chiche ku kunyi kandi okoheeye Roho Mutakatifu kuli kihambiliru chi vindu viosi via yakuviikira.

Niiva kusalirizwa, gaveeye kigira vokonyi kandi ovohonyi vwinyu. Niiva kunyi kokoonywa, munyi kandi mulakoonywa kandi mulahevwa zingulu ziu kwikuzira ku vusaliri vwa kunyi kandi kwikuziraa ku.