Popular Bible Verses from 1 VAKORINZO 6

Share

Sumanyi muviri gugwo goveeye Litembeli lia Roho Mutakatifu omenya mu ivi, kandi wa mwanyoola kutura ku Nyasaye? Muviri gugwo sigoveeye gugwo mwene mba, navuzwa goveeye gwa Nyasaye. Yaagula ivi nu vuguli vonene. Kulwayago, mutumikiri miviri jinyu kulwu vukumi vwa Nyasaye.

Si mumanyi ndi vandu vachamu sivalinyoola vwami vwa Nyasaye? Mutagadwa mba! Avandu vamenyaa mu kifavwi cho voheyi, avasigamiraa misaambwa, anoho avaheyi, malaya masaaza anoho avasaza vagonaa avasaza vache, anoho avanuuri, anoho avahuvali, anoho avahambiki, anoho yavehi, anoho aviivi; yava vosi sivalinyoola Uvwami vwa Nyasaye mba.

Mwerehe ligali ku voheyi. Uvwoni vundi vwosi vwu mundu akolaa voveeye ichova wu muviri gwigwe; navuzwa mundu okolaa vwoni vwo voheyi, yoona ku muviri gwigwe umwene.

Mundu mulala anyala kovora, “Mbugilirwaa kokora kindu choosi.” Yee, vulahi; navuzwa vindu viosi siviveeye vilahi ku ivi mba. Nyara kovora ndi, mbugilirwaa kokora kindu choosi, navuzwa sinzizaa koleka kindu choosi kongola mutugwa wi kindu yicho mba.

Nyasaye wasimugukiza Mwami kutura mu likuza, kandi alakasimugukizi kunyi ni zinguru zizie.