Popular Bible Verses from Varumi 8

Share

Kandi ku manya vindu vyosi vi yinzira halala kuletera ava yanza Nyasaye ubulahi, kali yava ava langwa kuli ubulaliri bwibwe.

Kigira mmanya ligali likudza, kinga livamwoyo, kinga tsingelosi, kinga ubunene, kinga vindu vya kalunu, kinga vindu vidzanga, kinga tsingulu, kinga kitambi, kinga kya yavira hasi, kinga kilombe kindi ku vyosi, si vi nyala kukwavukannya ku buyanzi bwa Nyasaye bu veye mu Kristo Yesu Mwami wetu.

Kandi ndiyo Roho a ku konyanga ku budedekere bwetu: kigira si ku manya kusaala kuli ga ku dukira; navutswa uyu Roho mwene a ku saalira nelikenya li ta nyalika kukenywa.

Kunangwa ku vola ndi ku vindu yivi? Nyasaye na a reve ku luvega lwetu, ibwaha a veye musigu wetu?

Kunangwa kigira yaga kalunu si ha veye nelikalagirwa lidamano ku yavo ava veye mu Kristo Yesu, ava ta genda kuli liva lyomubiri, navutswa kuli liva lya Roho.

Kigira liganagana lyomubiri li yeye likudza; navutswa liganagana lya Roho li veye livamwoyo, kandi ii veye mirembe.

Navutswa ku vindu yivi vyosi ku kira kuva avaguuti, kigira uyu wa ku yanza.

Kigira mbola ubusaliri bwenyinga ya kalunu yiyi si bu duka kuleng'anywa nobukumi bu li lang'aminywa ku kwinye.

Ibwaha a la kwavukanya ku nobuyanzi bwa Kristo? Kivi, naho ubusaliri, naho lidambidzwa, naho inzala, naho chahonyo, naho ubuhimwa, naho kivavi?

Kandi uyu widera nga mu myoyo a manya tsiganagani tsya Roho, kigira a saalira vatakatifu kuli ubulaliri bwa Nyasaye.

Kigira ku vosi ava Roho wa Nyasaye yimirira, yava nivo avana va Nyasaye.

Kigira yava ava londa miima gyomubiri va ganagana vindu vyomubiri, navutswa yava ava londa miima gya Roho va ganagana vindu vya Roho.

Uyu wa vula ku vererera Mwana wewe weligali, navutswa ya mu haana kigira kwinye kwosi a la vula ndi kukuha vindu vyosi halala naye?

Roho mwene a lolekidza halala na roho gyetu ku veye avana va Nyasaye: ni ku va ni ku veye avana, ku veye ava nyola miyandu; ava nyola miyandu gya Nyasaye, kandi ava nyola miyandu halala na Kristo; ni ku va ni ku salira halala naye, ku duke kukuminywa kandi halala naye.

Kigira liganagana lyomubiri li veye ubusigu ku Nyasaye; kigira si lyegehidzira lilaga lya Nyasaye, kandi si li nyala kue blehidza

Kigira lihenzerera lyevilombe li linda lila ng'aminywa lya avana va Nyasaye.

Kigira ku manya vilombe vyosi vi kenyanga nokulola busaliri kuduka kali kalunu.