Popular Bible Verses from Matayo 18

Share

Kigira ha vaviri va vugani kinga vavaka ku lieta lyange, inze mbeye hagati havo.

Kandi mmu volera, vaviri ku mwinye ni va sanga mu lirova ku kindu kya va saala, Dada wange u veye migulu a la va lombera.

Naye ya langa mwana mkekeke, na a mu vika hagati havo na a vola, Ligali mmu volera, ni mu tigirunkannya kugwa kuli avana vakekeke, si mu li nyala ligali kwingira mu bwami bwomigulu.

Ku vosi wegehidza kuli mwana mkekeke, uyu a veye munene mu bwami bwomigulu.

Ku vosi u bugirira mwana mulala mkekeke kuli uyu kigira lieta lyange, a bugirira inze

Ligali mmu volera, Vindu vyosi vya mu boha mu lirova vi la bofwa kandi migulu; kandi vindu vyosi vya mu boholola mu lirova vi la bohololwa migulu kandi.

Dada wange womigulu a la mu kolera ndiyo, ni mu ta sameha avamwavo mu myoyo gyenyu.

navutswa li ku vosi uyu u likigitalidza mulala ku vakekeke yava ava nsuuvira, nu bulahi kuye lugina lunene lu sungwe mu ligote, naye yinikwe mu luliva lwe nyanza.

Mu lola ndi? Mundu na a ve namagondi mia, nelilala kugo ni li goti, si a leka makumi gatanu na gane na gatanu na gane, na a tsia mu vigulu kwenya li goti?